គុណវុឌ្ឍិ និងបទពិសោធន៍អប្បបរមា ៖

• ចំណេះ​ដឹង​ : និស្សិតមហាវិទ្យាល័យ  (ជំនាញ​សិក្សា: គ្រប់គ្រង / រដ្ឋបាល/ ធនាគារ / ហិរញ្ញវត្ថុ)  ឬជំនាញ ផ្សេងទៀតដែលពាក់ព័ន្ធ។
• ជំនាញ និង សមត្ថ​ភាព​:
  • ការយកចិត្តទុកដាក់ល្អ ទៅលើការងារ​​លម្អិត និង ជំនាញការដោះស្រាយបញ្ហា នៅ​ក្នុង​ដំណើរការ​ រចនាសម្ព័ន្ធ​ការ​ងារ​។
  • អាច​ធ្វើ​ការ​ទំនាក់ទំនងជាភាសាអង់គ្លេសបានល្អ(អាន និយាយ សរសេរ ស្ដាប់)។
  • ជំនាញកុំព្យូទ័រដូចជា Microsoft Office (Excel, Word, Power Point …)
  • ភាពស្មោះត្រង់ និងជឿ​ទុកចិត្ត។
  • ជាអ្នករៀនសូត្ររហ័ស និងចេះ​បត់បែន ។

តួនាទី និងភារកិច្ច ៖

• • អនុវត្តកិច្ចការឥណទាន ឲ្យបានត្រឹមត្រូវ គ្រប់គ្រាន់ និងទាន់ពេលវេលា ស្របតាមគោលការណ៍ នីតិវិធី និងសេចក្តីណែនាំនានាពាក់ព័ន្ធនឹងកិច្ចការឥណទាន រួមមាន៖ កិច្ចការផ្សព្វផ្សាយ, កិច្ចការបញ្ចេញឥណទាន កិច្ចការប្រមូលឥណទាន និងកិច្ចការដោះស្រាយបំណុលខកខានសង ហើយស្វែងរកឲ្យឃើញនូវភាពអសកម្មនានាដែលអាចបង្កជាហានិភ័យឥណទាន និងចាត់វិធានការការពារ និងកែលម្អឲ្យបានទាន់ពេលវេលា ។
  • បំពេញឯកសារឥណទាន និងឯកសារគាំទ្រ ឲ្យបានត្រឹមត្រូវ ច្បាស់លាស់ និងគ្រប់គ្រាន់ ស្របតាមគោលការណ៍ នីតិវិធី និងសេចក្តីណែនាំនានាពាក់ព័ន្ធនឹងកិច្ចការឥណទាន ធានាមិនឲ្យមានកំហុសឆ្គង ឬការក្លែងបន្លំកើតឡើង ។
  • ចៀសវាងធ្វើសកម្មភាពដែលមានភាពមិនប្រក្រតីនាំទៅរកការកេងបន្លំ ទាញយកកម្រៃ ឬផលប្រយោជន៍ផ្ទាល់ខ្លួនពីការផ្តល់ឥណទាន ឬពីតួនាទីក្នុងកិច្ចការឥណទានពីសំណាក់អតិថិជនទាំងក្នុង-ក្រៅ ។
  • ធ្វើការប៉ាន់ប្រមាណតម្លៃទ្រព្យដាក់ធានា និងសិក្សាស្រាវជ្រាវលើប្រវត្តិ កិរិយាមារយាទ មុខរបរ ចំណូល ចំណាយ បំណុល ទ្រព្យដាក់តម្កល់ធានា​… របស់អតិថិជនដើម្បីវាយតម្លៃប្រាក់កម្ចី វាយតម្លៃលទ្ធភាពសង មុននឹងផ្តល់ឥណទានដើម្បីធានាឲ្យបាននូវលទ្ធភាពសងមួយរយភាគរយ ។
  • ពន្យល់ និងអប់រំណែនាំដល់អ្នកខ្ចី អ្នករួមខ្ចី អ្នកធានា អ្នករួមធានា និងអ្នកពាក់ព័ន្ធនឹងឥណទាន អំពីកាតព្វកិច្ច     ឥណទាន គោលការណ៍ នីតិវិធីឥណទាន និងការបណ្តុះវិន័យឥណទាន ឲ្យបានត្រឹមត្រូវ និងច្បាស់លាស់ ។
  • ពិនិត្យតាមដានប្រចាំថ្ងៃនូវរបាយការណ៍ឥណទាន ហើយសិក្សាពីមូលហេតុចម្បងដែលមិនអាចបញ្ចេញឥណទានបានគ្រប់ផែនការ និងការកើនឡើងនៃឥណទានខកខានសង ហើយរៀបចំផែនការសកម្មភាពដើម្បីកែលម្អ និងស្តារលទ្ធផលការងារឡើងវិញ ឲ្យបានទាន់ពេលវេលា ។
  • ត្រួតពិនិត្យរៀងរាល់ថ្ងៃនូវបញ្ជីអតិថិជនខកខានសងប្រាក់ដែលស្ថិតក្រោមការទទួលខុសត្រូវរបស់ខ្លួន ។ ករណី          ពិនិត្យ ឃើញថាមានអតិថិជនខកខានសងប្រាក់ ត្រូវធ្វើការទំនាក់ទំនងតាមទូរស័ព្ធ ឬចុះដល់លំនៅដ្ឋាន ឬទីកន្លែងប្រកបរបរ កន្លែងធ្វើការរបស់អតិថិជនទាំងនោះដើម្បីសិក្សា និងដោះស្រាយបញ្ហាឲ្យបានទាន់ពេលវេលា ចៀសវាងធ្វើឲ្យបំណុលទាំងនោះក្លាយជាបំណុលខកខានសងធ្ងន់ធ្ងរ និងឈានដល់ការលុបចេញពីបញ្ជី ។
  • ចូលរួម​ពិនិត្យ​តាម​ដាន​បំណុល​ខក​ខាន​សង នៅតាម​សាខា​ដែល​ស្ថិត​ក្រោម​ការ​ទទួល​ខុស​ត្រូវ​របស់​ការិយាល័យ​ ប្រតិបត្តិ​ការ បំណុល​ធម្មតា បំណុល​ឃ្លាំមើល បំណុល​ក្រោម​ស្តង់​ដារ បំណុល​សង្ស័យ បំណុល​បាត់​បង់ និង​បំណុល​លុបចេញ​ពី​បញ្ជី ហើយ​ចាត់​វិធានការ​ដោះ​ស្រាយ​ឲ្យ​បាន​ទាន់​ពេល​វេលា និង​ប្រកបដោយ​ប្រសិទ្ធភាព​ខ្ពស់ ។
  • មិនត្រូវធ្វើកិច្ចសន្យាណាមួយដែលមិនមែនជាសមត្ថកិច្ចរបស់ខ្លួន ដូចជា៖ អនុគ្រោះ​ដល់អ្នកខ្ចីមិនបាច់សងប្រាក់តាមកិច្ចសន្យា ឬមិនបាច់បង់ការប្រាក់ ប្រាក់ពិន័យ ឬប្រើប្រាស់ឥណទាន ប៉ុន្តែអាចផ្តល់​យោបល់ជូនថ្នាក់គ្រប់គ្រង បើសិនខ្លួនយល់ថាស្ថានការណ៍នោះសមហេតុផល ។
  • រៀបចំទុកដាក់ឯកសារទម្រង់គំរូឥណទានផ្សេងៗសម្រាប់ប្រើប្រាស់ ឲ្យបានត្រឹមត្រូវ គ្រប់គ្រាន់ និងទាន់ពេលវេលា  
  • ទំនាក់ទំនងជាមួយអាជ្ញាធរមានសមត្ថកិច្ចពាក់ព័ន្ធគ្រប់លំដាប់ថ្នាក់នៅក្នុងតំបន់ប្រតិបត្តិការរបស់ខ្លួនធានាធ្វើយ៉ាងណាឲ្យមានការគាំទ្រ និងសហប្រតិបត្តិការល្អ ជាមួយនឹងអាជ្ញាធរពាក់ព័ន្ធទាំងនោះ ។
  • អភិវឌ្ឍខ្លួន ឲ្យមានចំណេះដឹងជំនាញទាន់សម័យ ធានា​ឲ្យ​មានសមត្ថភាពពេញលេញ ដើម្បីបំពេញការងារក្នុង      តួនាទីប្រកបដោយប្រសិទ្ធភាពខ្ពស់ ។
  • អនុវត្តកិច្ចការផ្សេងៗទៀតតាមការតម្រូវការរបស់ថ្នាក់គ្រប់គ្រង ៕