នាយកសាខា
31 July 2025នាយកសាខា ជាអ្នកទទួលខុសត្រូវ លើការគ្រប់គ្រងរដ្ឋបាល និងប្រតិបត្តិការប្រចាំថ្ងៃ ឲ្យមានប្រសិទ្ធភាពនៅការិយាល័យសាខា រួមទាំង ប្រតិបត្តិការ ការលក់ផលិតផល សេវាកម្មអតិថិជន សន្តិសុខ និងសុវត្ថិភាព ដោយយោងទៅតាមគោលបំណងរបស់ស្ថាប័ន។ ធ្វើការអភិវឌ្ឍអាជីវកម្មប្រាក់កម្ចីថ្មី ផ្តល់ជូនការបម្រើសេវាកម្មអតិថិជន ឲ្យមានស្តង់ដាខ្ពស់ និង ជំរុញសេវាកម្ម តាមរយៈការបង្វឹក ការណែនាំ និង ការលើកទឹកចិត្តបុគ្គលិក។ ផ្ដល់ភាពជាអ្នកដឹកនាំ ការបណ្តុះបណ្តាល និងការគ្រប់គ្រង។ គ្រប់គ្រងលើបេឡាករតាមសាខា និងដំណើរការរបស់ភ្នាក់ងារឥណទាន និងតួនាទីរបស់អ្នកផ្តល់សេវាអតិថិជន។ នាយកសាខាក៏នឹងជួយដល់បេឡាករ ភ្នាក់ងារឥណទាន ឬ គណនេយ្យករ តាមការចាំបាច់។
ក. គុណវុឌ្ឍិ និងបទពិសោធន៍អប្បបរមា ៖
- ចំណេះដឹង : បរិញ្ញាបត្រ(ជំនាញ ការគ្រប់គ្រង / រដ្ឋបាល / ធនាគារ / ហិរញ្ញវត្ថុ) ឬជំនាញពាក់ព័ន្ធផ្សេងទៀត
- បទពិសោធន៍ : បទពិសោធន៍ ៣ ឆ្នាំ ក្នុងការគ្រប់គ្រងប្រតិបត្តិការ នៅធនាគារ ឬ គ្រឹះស្ថានហិរញ្ញវត្ថុ
- ជំនាញ និង សមត្ថភាព:
- ការយកចិត្តទុកដាក់ល្អ ទៅលើការងារលម្អិត និង ជំនាញ ដោះស្រាយបញ្ហា ទៅតាមដំណើរការ ក្នុងរចនាសម្ព័ន្ធ។
- មានភាពស្មោះត្រង់ និង ការទុកចិត្ត។
- ទំនាក់ទំនងជាភាសាអង់គ្លេសបានល្អ (អាន និយាយ សរសេរ ស្ដាប់)
- ជំនាញកុំព្យូទ័រដូចជា Microsoft Office (Excel, Word, Power Point …)។
ខ. តួនាទី និងភារកិច្ច ៖
- សិក្សានិងអនុវត្តឲ្យបានល្អតាមគោលការណ៍ នីតិវិធីការងារ សេចក្តីណែនាំ និងបទបញ្ជាទាំងឡាយរបស់ក្រុមហ៊ុន។
- ទទួលខុសត្រូវរៀបចំផែនការយុទ្ធសាស្រ្ត ចាត់ចែង ដឹកនាំ ត្រួតពិនិត្យ វាយតម្លៃកែលម្អការងារគ្រប់ផ្នែក ក្នុងសាខារួមមាន ៖ កិច្ចការធនធានមនុស្ស, កិច្ចការប្រតិបត្តិការ, កិច្ចការគ្រប់គ្រងសាច់ប្រាក់ក្នុងសាខា, កិច្ចការគណនេយ្យ, កិច្ចការអភិបាលសាខា, កិច្ចការសន្តិសុខ សណ្តាប់ធ្នាប់ និងអនាម័យ ។
- ត្រួតពិនិត្យការអនុវត្ត ដោះស្រាយរាល់បញ្ហាដែលកើតឡើង តម្រង់ទិសពេលដំណើរការអនុវត្តផែនការឲ្យត្រឹមត្រូវ ច្បាស់លាស់ និងទាន់ពេលវេលា ។
- បង្កើនចំណូលនិងប្រាក់ចំណេញ។
- ធ្វើការសម្រេចចិត្តដោយផ្អែកលើទីផ្សារ និងសហគមន៍ និងអភិវឌ្ឍន៍ផែនការដើម្បីបង្កើនចំនួនអតិថិជននៅមូលដ្ឋាន។
- មានសិទ្ធិធ្វើការបណ្តុះបណ្តាល និងអភិវឌ្ឍន៍បុគ្គលិកគ្រប់ផ្នែក។
- វិនិយោគវិជ្ជាជីវៈភាពជាអ្នកដឹកនាំរបស់ខ្លួនទៅលើការដឹកនាំក្នុងសាខាដោយមានការគ្រាំទ្រពីថ្នាក់គ្រប់គ្រង
- ធានាមានសម្ភារប្រើប្រាស់គ្រប់គ្រាន់នៅក្នុងសាខា សម្រាប់ប្រតិបត្តិការបានយ៉ាងរលូន។
- គ្រប់គ្រង និងបែងចែកតួនាទីរបស់បុគ្គលិកនៅក្នុងសាខា។
- រៀបចំផែនការ ដឹកនាំ ឬសម្របសម្រួលសកម្មភាពបុគ្គលិកនៅសាខា។
- គ្រប់គ្រងហរិញ្ញវត្ថុ និងទ្រព្យសម្បត្តិដែលមាននៅសាខា។
- ត្រួតពិនិត្យប្រតិបត្តិការ និងហិរញ្ញវត្ថុប្រចាំថ្ងៃ ដើម្បីធានាថាការអនុវត្តត្រូវតាមគោលការណ៍។
- ពិនិត្យពីហានិភ័យ និងសម្រេចផ្ដល់ប្រាក់កម្ចីដល់អតិថិជននៅពេលមានការស្នើសុំ។
- បង្កើតទំនាក់ទំនងល្អជាមួយអាជ្ញាធរក្នុងការផ្សព្វផ្សាយផលិតផលថ្មី។
- ជួយសម្រួលជាមួយអតិថិជននៅពេលមានបញ្ហា។
- គ្រប់គ្រងលើការលក់ និងអភិវឌ្ឍន៍អាជីវកម្ម។
- ធានាថាគោលដៅ និងគោលបំណងរបស់សាខាត្រូវបានបំពេញទាន់ពេលវេលា។
- ត្រួតពិនិត្យឡើងវិញនូវរបាយការណ៍ប្រមូលប្រាក់ជាមួយរបាយការណ៍ជាក់ស្ដែង។
- បំពេញភារកិច្ចពាក់ព័ន្ធផ្សេងទៀតដែល នាយកភូមិភាគ/ នាយកការិយាល័យប្រតិបត្តិការបានតម្រូវ។
- ចូលរួមយ៉ាងសកម្ម និងធ្វើឲ្យប្រសើរឡើងនូវសមត្ថភាព ចំណេះដឹង ជំនាញ ជាពិសេសអាកប្បកិរិយាឲ្យបានល្អ ។
- ធ្វើកិច្ចការផ្សេងទៀតតាមការវិវឌ្ឍន៍របស់ក្រុមហ៊ុនប៊ែមប៊ូ និងតាមការចាត់តាំងរបស់អ្នកគ្រប់គ្រងផ្ទាល់ ឬថ្នាក់មានសមត្ថកិច្ចក្នុងក្របខ័ណ្ឌការងាររបស់ក្រុមហ៊ុន ។
