គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី បានរៀបចំកម្មវិធី សមាធិ "សាងថាមពលផ្លូវចិត្ត ដើម្បីថាមពលជីវិត" នាព្រឹកថ្ងៃទី១៨ ខែមករា ឆ្នាំ ២០២៥ នៅបរិវេណសណ្ឋានគារ Bayon Era ក្នុងខេត្តសៀមរាប។ ចុងបញ្ចប់នៃការបិទកម្មវិធីអប់រំចិត្ត តាំងសមាធិនេះ លោកអគ្គនាយក កែវ សុខា បានថ្លែងអំណរគុណដល់ លោកគ្រូ Noem Chhunny នឹម ឈុន្នី ដែលបាននាំមកនូវកម្មវិធី សមាធិ ជូនដល់ថ្នាក់ដឹកនាំ និងថ្នាក់គ្រប់គ្រង របស់គ្រឹះស្ថាន ដើម្បីកសាងផ្លូវចិត្តអោយបានប្រសើរ។

ថ្ងៃទី១៧ ខែមករា ឆ្នាំ២០២៥ គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី មានកម្មវិធីដំណើរ​កម្សាន្ត​ ទៅកាន់ប្រាសាទអង្គរវត្ត ដែលជាស្ថាបត្យកម្មអច្ឆរិយៈពិភពលោករបស់ប្រទេសកម្ពុជា។ ក្នុងកម្មវិធីដំណើរ​កម្សាន្តនេះផងដែរ បានជួយឱ្យយើងស្វែងយល់កាន់ស៊ីជម្រៅអំពីប្រាសាទអង្គរវត្ត និងបានបង្កើតអានុស្សាវរីយ៍ ភាពរីករាយ និងសាមគ្គីភាពរវាងថ្នាក់ដឹកនាំ និងថា្នក់គ្រប់គ្រង គ្រប់ជាន់ថ្នាក់។

ថ្ងៃទី១៨ ខែមករា ឆ្នាំ២០២៥ គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី បានបើកកិច្ចប្រជុំបូកសរុបលទ្ធផលការងារប្រចាំឆ្នាំ ២០២៤ និងការទទួលយកទិសដៅផែនការអាជីវកម្ម​ឆ្នាំ​ ២០២៥ នាទឹកដីអង្គរ ក្នុងខេត្តសៀមរាប ក្រោមអធិបតីភាព​របស់​ លោក លឹម សុជាតិ តំណាងឲ្យភាគទុនិក និងជាអភិបាលប្រតិបត្តិ របស់គ្រឹះស្ថាន ព្រមទាំងមានការចូលរួមជាកិត្តិយសពី​ ប្រធានក្រុមប្រឹក្សា​ភិបាល​ អភិបាល​ ថ្នាក់ដឹកនាំជាន់ខ្ពស់​ និងអ្នកគ្រប់គ្រងទាំងអស់មកពីគ្រប់នាយកដ្ឋាន ការិយាល័យ និងសាខា។ នាឱកាសនេះ​ លោកអភិបាលប្រតិបត្តិ បានផ្តល់នូវអនុសាសន៍សំខាន់ៗ​ ដោយផ្ទាល់​ សម្រាប់ជាមគ្គុទេសក៍ល្អៗ​ ដើម្បីឆ្ពោះទៅរកការអនុវត្តន៍នូវផែនការបន្តក្នុងឆ្នាំថ្មី​ ឆ្នាំ២០២៥​ នេះ ប្រកបដោយប្រសិទ្ធភាព ។ ជាមួយគ្នានេះផងដែរ លោកអភិបាលប្រតិបត្តិ បានថ្លែងអំណរគុណដល់ថ្នាក់ដឹកនាំ និងថ្នាក់គ្រប់គ្រង ទាំងអស់ ដែលបានបន្តខិតខំប្រឹងប្រែង សហការ ក្នុងការជម្រុញប្រតិបត្តិការរបស់គ្រឹះស្ថាន បានយ៉ាងល្អ និងផ្តល់ភាពងាយស្រួល ជូនប្រជាជនកម្ពុជាតាមរយៈសេវាកម្មយើង។

រាជធានីភ្នំពេញ​ ថ្ងៃទី១០ ខែធ្នូ​ ឆ្នាំ២០២៤៖ វគ្គបណ្ដុះបណ្ដាល "អភិវឌ្ឍផ្នត់គំនិតថ្មី និងជំនាញលក់" ដល់បុគ្គលិក ភ្នាក់ងារប្រឹក្សាឥណទាន របស់គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី។ ក្រោមអធិបតីភាព​ លោកអគ្គនាយក កែវ សុខា ចូលរួមបើកវគ្គបណ្ដុះបណ្ដាល ព្រមទាំងការបានធ្វើការសំណះសំណាល លើកទឹកចិត្តដល់សក្ខាកាម ក្រោមការដឹងនាំបង្រៀនដោយលោកគ្រូ នឹម ឈុន្នី និង ថ្នាក់ដឹកនាំរបស់គ្រឹះស្ថាន ដែលបានផ្តល់ជូនក្នុងវគ្គបណ្ដុះបណ្ដាលនេះជាមួយប្រធានបទរួមមាន៖ ជំនាញក្នុងការលក់ ការកសាងទំនុកចិត្តខ្លួនឯង ការអភិវឌ្ឍន៍មុខដំណែង និងប្រធានបទល្អៗជាច្រើនបន្ថែមទៀត ដែលនឹងជួយពន្លឿនដល់សកម្មភាពការងារ របស់បុគ្គលិកឲ្យក្លាយជាបុគ្គលិកឆ្នើមសម្រាប់ក្រុមហ៊ុន ក្នុងរយៈពេលដ៏ខ្លីមួយ។ ចុងបញ្ចប់នៃវគ្គបណ្តុះបណ្តាលក៏មានការប្រគល់វិញ្ញាបនបត្របញ្ជាក់ ការបណ្តុះបណ្តាលពីថ្នាក់ដឹកនាំ និងគ្រូហ្វឹកហ្វឺនទៅដល់សិក្ខាកាម ប្រកបទៅដោយភាពរីករាយស្និទ្ធស្នាល រួមជាមួយការថតរូបទុកជាអនុស្សាវរីយ៍។

ភ្នំពេញ៖ កិច្ចប្រជុំថ្នាក់គ្រប់គ្រង នៅថ្ងៃទី០៦ ខែធ្នូ ឆ្នាំ២០២៤ របស់គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី ក្រោមអធិបតីភាព​ លោកអគ្គនាយក កែវ សុខា និងអគ្គនាយករង អឿន ស៊ីឡែន ព្រមទាំងមានការចូលរួមរបស់ថ្នាក់គ្រប់គ្រងគ្រប់នាយកដ្ឋាន ការិយាល័យ សាខា និងតំបន់ ដើម្បីបូកសរុបការងារប្រចាំខែ និងអភិវឌ្ឍន៍សមត្ថភាពជាអ្នកដឹកនាំ​ ក៏ដូចជាធ្វើការពិភាក្សា​ ការផ្លាស់ប្តូរបទពិសោធន៍ និងស្វែងរកតម្រូវការចាំបាច់ ដើម្បីជោគជ័យក្នុងកាអនុវត្តផែនការអាជីវកម្មឆ្នាំ២០២៤។

ភ្នំពេញ៖ នាព្រឹកថ្ងៃទី០៦ ខែធ្នូ ឆ្នាំ២០២៤ លោក រ័ត្ន យូម៉េង ប្រធានក្រុមប្រឹក្សាភិបាលរបស់គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី និងលោក លឹម សុជាតិ អភិបាលកិត្តិយស អញ្ជើញជាគណៈអធិបតីក្នុងការបើកកិច្ចប្រជុំរៀបចំផែនការអាជីវកម្មសម្រាប់ ឆ្នាំ ២០២៥ របស់គ្រឹះស្ថាន។ ក្នុងកិច្ចប្រជុំនេះមានការអញ្ជើញចូលរួមពី សមាជិក-សមាជិកា ក្រុមប្រឹក្សាភិបាល និងថ្នាក់គ្រប់គ្រងពាក់ព័ន្ធ ហើយយើងក៏បានរៀបចំរួចជាស្រេចនូវទិសដៅយុទ្ធសាស្រ្តថ្មីបន្ថែមប្រកបដោយប្រសិទ្ធភាព ដើម្បីជំរុញប្រតិបត្តិការរបស់គ្រឹះស្ថានឱ្យកាន់តែល្អប្រសើរនៅឆ្នាំ ២០២៥ ក្នុងគោលបំណងចូលរួមចំណែកក្នុងការផ្តល់សេវាកម្មជូនអតិថិជនទាំងអស់របស់យើងប្រកបដោយស្មារតីទទួលខុសត្រូវ និងគុណភាពខ្ពស់។

ភ្នំពេញ៖ កិច្ចប្រជុំថ្នាក់គ្រប់គ្រង នៅថ្ងៃទី០៨ ខែវិច្ឆិកា ឆ្នាំ២០២៤ របស់គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី ក្រោមអធិបតីភាព​ លោកអគ្គនាយក កែវ សុខា និងអគ្គនាយករង អឿន ស៊ីឡែន ព្រមទាំងមានការចូលរួមរបស់ថ្នាក់គ្រប់គ្រងគ្រប់នាយកដ្ឋាន ការិយាល័យ សាខា និងតំបន់ ដើម្បីបូកសរុបការងារប្រចាំខែ និងអភិវឌ្ឍន៍សមត្ថភាពជាអ្នកដឹកនាំ​ ក៏ដូចជាធ្វើការពិភាក្សា​ ការផ្លាស់ប្តូរបទពិសោធន៍ និងស្វែងរកតម្រូវការចាំបាច់ ដើម្បីជោគជ័យក្នុងកាអនុវត្តផែនការអាជីវកម្មឆ្នាំ២០២៤។ ទន្ទឹមនឹងនោះក៏មានកិត្តិយសពី​ លោកគ្រូ នឹម ឈុន្នី ដែលបានចូលរួមចែករំលែកបន្ថែមនូវចំណេះដឹងផ្នែកទន់​ អំពី​ "ការប្រាស្រ័យ និងដោះស្រាយទំនាស់" ផងដែរ។

ភ្នំពេញ៖ នាព្រឹកថ្ងៃទី៣០ ខែតុលា ឆ្នាំ២០២៤ លោក រ័ត្ន យូម៉េង ប្រធានក្រុមប្រឹក្សាភិបាលរបស់របស់គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី អញ្ជើញជាគណៈអធិបតីក្នុងការបើកកិច្ចប្រជុំបូកសរុបសមិទ្ធផលការងារប្រចាំត្រីមាសទី៣ និងលើកទិសដៅការងារត្រីមាសទី៤ ឆ្នាំ២០២៤ របស់គ្រឹះស្ថាន។ ជាមួយគ្នានេះដែរ លោកអគ្គនាយក កែវ សុខា តំណាងឱ្យ សមាជិក- សមាជិកា ក្រុមប្រឹក្សាភិបាល និងថ្នាក់គ្រប់គ្រងទាំងអស់ របស់គ្រឹះស្ថានបានមានមតិស្វាគមន៍យ៉ាងកក់ក្តៅទៅកាន់អភិបាលថ្មី លោក រ័ត្ន យូម៉េង ប្រធានក្រុមប្រឹក្សាភិបាល និងលោក មាស សក្តិសម អភិបាលឯករាជ្យ ផងដែរ។ ក្នុងកិច្ចប្រជុំនេះមានការអញ្ជើញចូលរួមពីប្រធានក្រុមប្រឹក្សាភិបាល សមាជិក- សមាជិកា ក្រុមប្រឹក្សាភិបាល និង ថ្នាក់គ្រប់គ្រងពាក់ព័ន្ធ ហើយយើងក៏បានរៀបចំរួចជាស្រេចនូវទិសដៅយុទ្ធសាស្រ្តថ្មីបន្ថែមប្រកបដោយប្រសិទ្ធភាព ដើម្បីជំរុញប្រតិបត្តិការរបស់គ្រឹះស្ថានឱ្យកាន់តែល្អប្រសើរនៅត្រីមាសបន្ទាប់ ក្នុងគោលបំណងចូលរួមចំណែកក្នុងការផ្តល់សេវាកម្មជូនអតិថិជនទាំងអស់របស់យើងប្រកបដោយស្មារតីទទួលខុសត្រូវ និងគុណភាពខ្ពស់។