Bamboo Finance Plc

សេវាកម្ម

ពិនិត្យមើលព័ត៌មានលម្អិតអំពីអាជីវកម្មរបស់យើង លក្ខណៈផលិតផល ការគណនាការប្រាក់ តម្រូវការ និងឯកសារដែលត្រូវការ

ឥណទានអាជីវកម្ម

ប្រាក់កម្ចីនេះមានគោលបំណងផ្តល់ដល់បុគ្គល ឬដៃគូអាជីវកម្មដែលមានអាជីវកម្មផ្ទាល់ខ្លួន និងមានកិច្ចព្រមព្រៀង Franchise ជាមួយក្រុមហ៊ុនមេរបស់ MFI ដើម្បីពង្រីកអាជីវកម្មរបស់ខ្លួនដោយប្រើប្រាក់កម្ចីទិញផលិតផលដើម្បីលក់ឱ្យអតិថិជនជាមួយនឹងប្រាក់កម្ចី។

ឥណទានរយៈពេលខ្លី

ប្រាក់កម្ចីនេះត្រូវបានរៀបចំឡើងដើម្បីផ្តល់លទ្ធភាពឱ្យអ្នកលក់រាយខ្នាតតូច និងបុគ្គលដែលមានប្រាក់ចំណូលទៀងទាត់ និងមានវត្ថុបញ្ចាំជាចម្បងជាចលនវត្ថុដើម្បីទិញវត្ថុចាំបាច់ ឬសម្ភារៈប្រើប្រាស់ និងការចំណាយផ្ទាល់ខ្លួនក្នុងរយៈពេលដ៏ខ្លី។

ឥណទានប្រើប្រាស់ផ្ទាល់ខ្លួន

ប្រាក់កម្ចីផ្ទាល់ខ្លួនត្រូវបានរៀបចំឡើងដើម្បីផ្តល់លទ្ធភាពឱ្យបុគ្គលដែលមានប្រាក់ចំណូលទៀងទាត់ និងត្រូវការប្រាក់កម្ចីសម្រាប់ការចំណាយផ្ទាល់ខ្លួន។

ឥណទានផលិតផល ១២១

ប្រាក់កម្ចីនេះត្រូវបានរៀបចំឡើងដើម្បីផ្តល់ដល់បុគ្គលដែលត្រូវការប្រាក់ដើម្បីទិញទំនិញអេឡិចត្រូនិកនៅតាមហាង 121 ដូចជា ម៉ូតូ ទូទឹកកក ម៉ាស៊ីនបោកគក់ ម៉ាស៊ីនត្រជាក់ កង្ហារ ទូរទស្សន៍…។ល។

ឥណទានបុគ្គលិក

ប្រាក់កម្ចីនេះមានសម្រាប់បុគ្គលិកគ្រប់លំដាប់ថ្នាក់ ដែលធ្វើការនៅ Bamboo Finance Plc ដែលមានសមត្ថភាពពេញលេញ និងត្រូវការសាច់ប្រាក់ ដើម្បីបង្កើនជីវភាពរស់នៅប្រចាំថ្ងៃរបស់ពួកគេ។

ឥណទានម៉ូតូ

ប្រាក់កម្ចីនេះត្រូវបានរៀបចំឡើង ដើម្បីផ្តល់លទ្ធភាពដល់បុគ្គលដូចជាអ្នកលក់រាយនៅតាមផ្សារ និងទីប្រជុំជន ឬបុគ្គលិកក្រុមហ៊ុន មន្ត្រីរាជការសាធារណៈ កម្មករកាត់ដេរ កម្មករសំណង់ អ្នករត់ម៉ូតូឌុប ដែលមានប្រាក់ចំណូលគ្រប់គ្រាន់ និងត្រូវការសាច់ប្រាក់ដើម្បីទិញម៉ូតូសម្រាប់ប្រើប្រាស់ក្នុងជីវភាពប្រចាំថ្ងៃ។

ព្រឹត្តិការណ៍ថ្មីៗ

ពិនិត្យមើលព្រឹត្តិការណ៍ចុងក្រោយបំផុតរបស់យើង យើងបានធ្វើបច្ចុប្បន្នភាពថ្មីៗជាមួយនឹងព្រឹត្តិការណ៍ថ្មីៗ ព័ត៌មាន និងសកម្មភាពរបស់យើងនៅទីនេះ

វគ្គហ្វឹកហ្វឺនតម្រង់ទិសការងារសម្រាប់និយោជិតថ្មី ខែវិច្ឆិកា ឆ្នាំ២០២៥

ភ្នំពេញ៖ នាថ្ងៃទី២៤ និង ២៥ ខែវិច្ចកា ឆ្នាំ២០២៥ គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី បានរៀបចំ វគ្គហ្វឹកហ្វឺនតម្រង់ទិសការងារសម្រាប់និយោជិតថ្មី នៅការិយាល័យកណ្តាលរបស់គ្រឹះស្ថាន។ ក្នុងវគ្គហ្វឹកហ្វឺនរយៈពេល ២ថ្ងៃ ខាងលើនេះគឺផ្តល់ឲ្យសិក្ខាកាមយល់កាន់តែច្បាស់ពីចក្ខុ‌វិស័យ និងបេសកម្មរបស់គ្រឹះស្ថាន ក៏ដូចជាគោលការណ៍ផ្សេងៗ រួមមាន បទបញ្ជាផ្ទៃក្នុង ឯកសណ្ឋាន និងអនាម័យ គោលការណ៍ស្តីពីការយកចិត្តទុកដាក់ស្គាល់អតិថិជន ការបំពេញទម្រង់វាយតម្លៃ ការគ្រប់គ្រងអវត្តមាន អត្ថប្រយោជន៍បន្ថែមរបស់បុគ្គលិក ការបណ្តុះបណ្តាលជំនាញបន្ថែម ការអភិវឌ្ឍន៍មុខតំណែង ឬតួនាទីការងារ ដែលធ្វើឲ្យបុគ្គលិកបានយល់ច្បាស់ពីតួនាទីរបស់ខ្លួននៅក្នុងគ្រឹះស្ថាន ដើម្បីរួមគ្នា នឹងឆ្ពោះទៅមុខជាមួយគ្នាប្រកបដោយចីរភាព។ ប៊ែមប៊ូ ហ្វាយនែន ភីអិលស៊ី តែងតែគិតគូរដល់បុគ្គលិក និងព្យាយាមធ្វើយ៉ាងណាជួយពង្រីកសមត្ថភាពលើជំនាញផ្សេងៗដែលអាចជួយពន្លឿនដល់សកម្មភាពការងារ របស់បុគ្គលិកឲ្យក្លាយជាបុគ្គលិកឆ្នើមសម្រាប់ក្រុមហ៊ុន ក្នុងរយៈពេលដ៏ខ្លីមួយ។

អានបន្ថែម

ប៊ែមប៊ូ ហ្វាយនែន រៀបចំកិច្ចប្រជុំគ្រប់គ្រងប្រចាំខែវិច្ឆិកា ឆ្នាំ២០២៥

ភ្នំពេញ – គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី បានរៀបចំកិច្ចប្រជុំគ្រប់គ្រងប្រចាំខែវិច្ឆិកា ឆ្នាំ២០២៥ ដោយជោគជ័យ ក្រោមអធិបតីភាពរបស់លោកអគ្គនាយករង អឿន ស៊ីឡែន ។ កិច្ចប្រជុំនេះមានការចូលរួមពីថ្នាក់ដឹកនាំ និងអ្នកគ្រប់គ្រងពីនាយកដ្ឋាន ការិយាល័យ សាខា និងតំបន់ផ្សេងៗទាំងអស់។ ក្រុមការងារបានពិនិត្យវឌ្ឍនភាពការងារ និងបញ្ហាប្រតិបត្តិការ ដោយផ្តោតលើការរួមគ្នាស្វែងរកដំណោះស្រាយ ដើម្បីធានាថាផែនការអាជីវកម្មឆ្នាំ២០២៥ នឹងត្រូវបានអនុវត្តដោយជោគជ័យ។ ពិសេសក្នុងកិច្ចប្រជុំនេះ គ្រឹះស្ថានក៏មានភាពរីករាយទទួលស្វាគមន៍ លោកគ្រូ នឹម ឈុន្នី ដែលបានមកចែករំលែកចំណេះដឹងមានតម្លៃស្តីពី "វិទ្យាសាស្ត្រ និងសុខុមាលភាពផ្លូវចិត្ត" ដែលជាដំបូន្មានល្អ សម្រាប់ការអភិវឌ្ឍខ្លួន និងការងាររបស់បុគ្គលិក។

អានបន្ថែម

ពិព័រណ៍ការងារ និងផលិតភាពជាតិ

នាព្រឹកថ្ងៃទី១ និងទី២ ខែវិច្ឆិកា ឆ្នាំ២០២៥ គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី បានចូលរួមជាដៃគូសំខាន់ក្នុង ពិព័រណ៍ការងារ និងផលិតភាពជាតិ នៅអគារពិព័រណ៍កោះពេជ្រ រាជធានីភ្នំពេញ ព្រឹត្តិការណ៍នេះបានរៀបចំដោយ ក្រសួងការងារ និងបណ្តុះបណ្តាលវិជ្ជាជីវៈ។ ការចូលរួមរបស់ ប៊ែមប៊ូ ហ្វាយនែន បានបង្ហាញការប្តេជ្ញាចិត្តចំពោះការអភិវឌ្ឍទីផ្សារការងារ ការស្វែងរកទេពកោសល្យ និងភាពជាដៃគូសាធារណៈឯកជន ។ របាយការណ៍នេះរៀបរាប់លទ្ធផល ការរួមចំណែកយុទ្ធសាស្ត្រ និងអនុសាសន៍ឆ្ពោះទៅមុខ។

អានបន្ថែម

វគ្គហ្វឹកហ្វឺនតម្រង់ទិសការងារសម្រាប់និយោជិតថ្មី ខែតុលា ឆ្នាំ២០២៥

ភ្នំពេញ៖ នាថ្ងៃទី២៣ ២៤ ខែតុលា ឆ្នាំ២០២៥ គ្រឹះស្ថានបានរៀបចំ វគ្គហ្វឹកហ្វឺនតម្រង់ទិសការងារសម្រាប់និយោជិតថ្មី នៅការិយាល័យកណ្តាលរបស់គ្រឹះស្ថាន ។ ក្នុងវគ្គហ្វឹកហ្វឺនរយៈពេល ២ថ្ងៃ ខាងលើនេះ គឺផ្តល់ឲ្យសិក្ខាកាមយល់កាន់តែច្បាស់ពីចក្ខុ‌វិស័យ និងបេសកម្មរបស់គ្រឹះស្ថាន ក៏ដូចជាគោលការណ៍ផ្សេងៗ រួមមាន បទបញ្ជាផ្ទៃក្នុង ឯកសណ្ឋាន និងអនាម័យ គោលការណ៍ស្តីពីការយកចិត្តទុកដាក់ស្គាល់អតិថិជន ការបំពេញទម្រង់វាយតម្លៃ ការគ្រប់គ្រងអវត្តមាន អត្ថប្រយោជន៍បន្ថែមរបស់បុគ្គលិក ការបណ្តុះបណ្តាលជំនាញបន្ថែម ការអភិវឌ្ឍន៍មុខតំណែង ឬតួនាទីការងារ ដែលធ្វើឲ្យបុគ្គលិកបានយល់ច្បាស់ពីតួនាទីរបស់ខ្លួននៅក្នុងគ្រឹះស្ថាន ដើម្បីរួមគ្នា នឹងឆ្ពោះទៅមុខជាមួយគ្នាប្រកបដោយចីរភាព។ ប៊ែមប៊ូ ហ្វាយនែន ភីអិលស៊ី តែងតែគិតគូរដល់បុគ្គលិក និងព្យាយាមធ្វើយ៉ាងណាជួយពង្រីកសមត្ថភាពលើជំនាញផ្សេងៗដែលអាចជួយពន្លឿនដល់សកម្មភាពការងារ របស់បុគ្គលិកឲ្យក្លាយជាបុគ្គលិកឆ្នើមសម្រាប់ក្រុមហ៊ុន ក្នុងរយៈពេលដ៏ខ្លីមួយ។

អានបន្ថែម

កិច្ចប្រជុំក្រុមប្រឹក្សាភិបាលប្រចាំត្រីមាសទី៣ ឆ្នាំ២០២៥

ភ្នំពេញ៖ នាព្រឹកថ្ងៃទី២២ ខែតុលា ឆ្នាំ២០២៥ គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី បានរៀបចំកិច្ចប្រជុំក្រុមប្រឹក្សាភិបាលប្រចាំត្រីមាសទី៣ និងលើកទិសដៅការងារត្រីមាសបន្ទាប់ ដោយមានការអញ្ជើញជាអធិបតីភាពដ៏ខ្ពង់ខ្ពស់របស់ លោក រ័ត្ន យូម៉េង ប្រធានក្រុមប្រឹក្សាភិបាល សមាជិក-សមាជិកា ក្រុមប្រឹក្សាភិបាល និងថ្នាក់គ្រប់គ្រងនៃគ្រឹះស្ថាន។ កិច្ចប្រជុំនេះធ្វើឡើងក្នុងគោលបំណងបង្ហាញអំពីទិសដៅ បេសកម្ម និងលទ្ធផល ក៏ដូចជាបញ្ហាប្រឈម និងដំណោះស្រាយដែលបានអនុវត្តន៍ក្នុងរយៈពេល ៣ត្រីមាសកន្លងមក ដើម្បីដាក់ចេញផែនការសកម្មភាពនានាដល់ថ្នាក់គ្រប់គ្រង ដើម្បីអនុវត្តការងារបន្តសម្រាប់ជំរុញលទ្ធផលប្រតិបត្តិការរបស់គ្រឹះស្ថានឲ្យសម្រេចបានលទ្ធផលល្អសម្រាប់ត្រីមាសបន្ទាប់ ។ លើសពីនេះ ក្រុមប្រឹក្សាភិបាលបានបង្ហាញនូវការពេញចិត្តជាមួយលទ្ធផលដែលសម្រេចបាន រួមទាំងបានផ្តល់នូវទិសដៅយុទ្ធសាស្រ្តថ្មីបន្ថែម ដើម្បីជំរុញប្រតិបត្តិការរបស់គ្រឹះស្ថានឱ្យកាន់តែល្អប្រសើរនៅត្រីមាសបន្ទាប់ ក្នុងគោលបំណងចូលរួមចំណែកក្នុងការផ្តល់សេវាកម្មជូនអតិថិជនទាំងអស់របស់យើងប្រកបដោយស្មារតីទទួលខុសត្រូវ និងគុណភាពខ្ពស់។

អានបន្ថែម

កិច្ចប្រជុំថ្នាក់គ្រប់គ្រងប្រចាំខែតុលា ឆ្នាំ២០២៥

ភ្នំពេញ៖ កិច្ចប្រជុំថ្នាក់គ្រប់គ្រងប្រចាំខែតុលា ឆ្នាំ២០២៥ របស់គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី ក្រោមអធិបតីភាព លោក អគ្គនាយក កែវ សុខា និងលោក អគ្គនាយករង អឿន ស៊ីឡែន ដោយមានការចូលរួមរបស់ថ្នាក់គ្រប់គ្រងគ្រប់នាយកដ្ឋាន ការិយាល័យ សាខា និងតំបន់ បង្ហាញពីលទ្ធិផលការងារ និងកិច្ចការប្រតិបត្តិការ ក៏ដូចជាធ្វើការពិភាក្សាពីបញ្ហា ដោយស្វែងរកដំណោះស្រាយ ដើម្បីជោគជ័យក្នុងកាអនុវត្តផែនការអាជីវកម្មឆ្នាំ ២០២៥ ។

អានបន្ថែម

មើលបន្ថែម