តួនាទី  និងភារកិច្ចរួម

ទទួលខុសត្រូវទាំងស្រុងលើការធ្វើផែនការ រៀបចំចាត់ចែង ដឹកនាំ ត្រួតពិនិត្យ និងវាយតម្លៃការងារ​ក្នុងផ្នែក​គណនេយ្យគ្រប់គ្រង និងរៀបចំថវិការ នៃនាយកដ្ឋានហិរញ្ញវត្ថុ ប៊ែមប៊ូ ហ្វាយនែន ភីអិលស៊ី ទាំងអស់ និងធានា​​អនុវត្ត​បាន​ត្រឹមត្រូវ​ តាម​គោលការណ៍ នីតិវិធី ក្នុងតួនាទីការងារ។

តួនាទី និងភារកិច្ចលម្អិត

1. ចូលរួមរៀបចំផែនការធនធានមនុស្ស ទាំងការរៀបចំ ចាត់ចែង ដឹកនាំការងារក្នុងផ្នែកជំនាញ និងវាយតម្លៃ​លទ្ធផល​ការងារ លើកទឹកចិត្តបុគ្គលិកក្រោមបង្គាប់ ឲ្យចូលរួមអនុវត្តការងារ ប្រកបដោយ​ប្រសិទ្ធ​ភាព និង​មាន​ការ​ទទួល​​ខុស​ត្រូវ​ខ្ពស់តាមតួនាទី ព្រមទាំងស្វែងរកឲ្យ​ឃើញចំណុចខ្វះខាត ដើម្បី​ដោះស្រាយ និងកែលម្អឲ្យ​ទាន់ពេលវេលា។
2. ចូលរួមក្នុងការជ្រើសរើស និងរៀបចំធនធានមនុស្សនៅក្នុងផ្នែកជំនាញ ស្របតាមចំណេះដឹងជំនាញ និងតួនាទីទៅតាមល័ក្ខខ័ណ្ឌការងាររបស់ប៊ែមប៊ូ ហ្វាយនែន ភីអិលស៊ី។
3. ទទួលខុសត្រូវក្នុងការបង្ហាត់បង្រៀនការងារជំនាញដល់បុគ្គលិក ឲ្យមានសមត្ថភាពពេញលេញ ក្នុង​ការអនុវត្តការងារក្នុងតួនាទី ព្រមទាំងទទួលបាននូវការរៀនសូត្របន្តបន្ទាប់ និងការបណ្តុះ​បណ្តាល​​​​​ចំណេះដឹងនិងជំនាញឲ្យទាន់សម័យជានិច្ច។
4. ដឹកនាំអភិវឌ្ឍឲ្យទាន់សម័យជានិច្ចនូវគោលការណ៍នីតិវិធី និងសេចក្តីណែនាំ​ការងារក្នុងផ្នែក ​ឲ្យ​មាន​ប្រសិទ្ធភាពខ្ពស់។
5. ដឹកនាំ និងត្រួតពិនិត្យលើការរៀបចំរបាយការណ៍ហិរញ្ញវត្ថុប្រចាំខែ ត្រីមាស ឆមាស និងប្រចាំឆ្នាំរបស់ប៊ែមប៊ូ ហ្វាយនែន ភីអិលស៊ី ឲ្យស្របតាមតម្រូវរបស់ ធនាគារជាតិនៃកម្ពុជា សមាគមមីក្រូហិរញ្ញវត្ថុនៃកម្ពុជា ម្ចាស់ភាគទុនិក ស្នងការគណនីឯករាជ្យ និងម្ចាស់កម្ចី ហើយរាយការណ៍ជូនគណៈគ្រប់គ្រង និងថ្នាក់មានសមត្ថកិច្ចពាក់ព័ន្ធឲ្យបានត្រឹមត្រូវ និងទាន់ពេលវេលា។
6. ដឹកនាំលើការវិភាគនិងវាយតម្លៃ លើលទ្ធផលហិរញ្ញវត្ថុរបស់ប៊ែមប៊ូ ហ្វាយនែន ភីអិលស៊ី រួមមាន៖ ការវិភាគលើទំនោរ និងលម្អៀងហិរញ្ញវត្ថុនៃចំណូល និងចំណាយ និងប្រៀបធៀបលទ្ធផលជាក់ស្តែងទៅនឹងផែនការដើម្បីគាំទ្រការសម្រេចចិត្តរបស់គណៈគ្រប់គ្រង។
7. គ្រប់គ្រង និងដឹកនាំលើដំណើរការរៀបចំផែនការប្រចាំឆ្នាំ និងរៀបចំផែនការថវិកាជាយុទ្ធសាស្រ្ត ប៊ែមប៊ូ ហ្វាយនែន ឲ្យបានទាន់ពេលវេលា។
8. ដឹកនាំ និងត្រួតពិនិត្យការប្រមូលទិន្នន័យ ហិរញ្ញវត្ថុនិងលទ្ធផលប្រតិបត្តិការជាក់ស្តែង (Actual Data) ដើម្បីរៀបចំផែនការថវិកាឲ្យបានត្រឹមត្រូវ ទាន់ពេលវេលា។
9. ដឹកនាំ និងត្រួតពិនិត្យលើការរៀបចំបញ្ចូលទិន្នន័យ ដើម្បីគណនា Incentive ប្រចាំឆ្នាំ សម្រាប់ការិយ័យកណ្តាល ការិយាល័យសាខា គណៈកម្មការប្រតិបត្តិ និងក្រុមប្រឹក្សាភិបាល។
10. ដឹកនាំ និងត្រួតពិនិត្យលើការរៀបចំ Financial Covenants ទៅតាមតម្រូវការរបស់ម្ចាស់កម្ចីនិមួយៗ ឲ្យបានត្រឹមត្រូវ និងទាន់ពេលវេលា។
11. ដឹកនាំ និងត្រួតពិនិត្យលើការរៀបចំរបាយការណ៍ ប្រចាំសប្តាហ៍ រួមមាន៖
12. របាយការណ៍ស្តីពីអត្រាការប្រាក់ជាមធ្យមលើប្រាក់បញ្ញើ និងប្រាក់កម្ចី (Weekly Report on Weighted Average Interest Rates on Deposits and Loans)។
13. របាយការណ៍ឥណទានរៀបចំឡើងវិញគ្រប់វិស័យ (Weekly Report Loan Restructuring all sectors) ទៅធនាគារជាតិនៃកម្ពុជា។
14. ដឹកនាំ និងត្រួតពិនិត្យលើការរៀបចំរបាយការណ៍ប្រចាំខែ រួមមាន៖
15. របាយការណ៍ RPPI ទៅធនាគារជាតិនៃកម្ពុជា។
16. របាយការណ៍ឥណទានរៀបចំឡើងវិញ ទៅធនាគារជាតិនៃកម្ពុជា។
17. របាយការណ៍ឥណទានបែងចែកតាមវិស័យ ទៅធនាគារជាតិនៃកម្ពុជា។
18. ដឹកនាំ និងត្រួតពិនិត្យលើការរៀបចំរបាយការណ៍ប្រចាំត្រីមាស រួមមាន៖
19. របាយការណ៍ អនុបាតសន្ទនីយភាព (Liquidity Ratio) ទៅធនាគារជាតិនៃកម្ពុជា។
20. របាយការណ៍ ទៅអង្គភាពស៊ើបការណ៍ ហិរញ្ញវត្ថុ កម្ពុជា។
21. របាយការណ៍ SDD Report សម្រាប់មីក្រូហិរញ្ញវត្ថុមិនទទួលប្រាក់បញ្ញើ ទៅធនាគារជាតិនៃកម្ពុជា។
22. របាយការណ៍ទិន្នន័យកម្រៃជើងសារសង្ខេប និងទិន្នន័យតារាងលម្អិតទៅធនាគារជាតិនៃកម្ពុជា។
23. ដឹកនាំ និងត្រួតពិនិត្យលើការរៀបចំរបាយការណ៍ប្រចាំឆមាស រួមមាន៖
24. របាយការណ៍ឥណទានបែងចែកខេត្តក្រុង ទៅធនាគារជាតិនៃកម្ពុជា។
25. របាយការណ៍ វិញ្ញាបនប័ត្រអនុលោម (Compliance Certificate) ទៅម្ចាស់កម្ចី។
26. ដឹកនាំ និងត្រួតពិនិត្យការរៀបចំរបាយការណ៍វិភាគលទ្ធផលហិរញ្ញវត្ថុ (Financial Analysis) គ្រប់ការិយាល័យសាខា និងសរុបរួម ឲ្យបានត្រឹមត្រូវ និងទាន់ពេលវេលា។
27. ដឹកនាំ និងត្រួតពិនិត្យការរៀបចំរបាយការណ៍លទ្ធផលហិរញ្ញវត្ថុ (KPIs) ទៅក្រុមហ៊ុនមេ ឲ្យបានត្រឹមត្រូវ និងទាន់ពេលវេលា។
28. ដឹកនាំ និងសម្របសម្រួលគាំទ្រឯកសារដែលសវនករខាងក្រៅ ត្រូវការសម្រាប់ការរៀបចំរបាយការណ៍ហិរញ្ញវត្ថុប្រចាំឆ្នាំឲ្យបាន ទាន់ពេលវេលា។
29. ដឹកនាំ គាំទ្រ​ផ្នែកទ្រឹស្តី និង​បច្ចេកទេសដល់គ្រប់ការិយាល័យសាខា និងនាយកដ្ឋានពាក់ព័ន្ធ ឲ្យមានប្រសិទ្ធភាពខ្ពស់។
30. ធ្វើកិច្ចការផ្សេងទៀតតាមការវិវឌ្ឍន៍របស់ ប៊ែមប៊ូ និងតាមការចាត់តាំងរបស់អ្នកគ្រប់គ្រងផ្ទាល់ ឬថ្នាក់មានសមត្ថកិច្ចក្នុងក្របខ័ណ្ឌការងាររបស់ក្រុមហ៊ុន។