ដើម្បីពង្រឹងសមត្ថភាពស្នូល ព្រមទាំងបង្កើនប្រសិទ្ធភាពការងាររបស់បុគ្គលិកជួរមុខ គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី (Bamboo Finance PLC.) បានរៀបចំវគ្គបណ្តុះបណ្តាលលើប្រធានបទ «ការពង្រឹងសមត្ថភាពលើការប្រមូលឥណទាន» ។ ការវិនិយោគលើធនធានមនុស្សនេះ គឺដើម្បីជម្រុញឱ្យការបម្រើសេវាកម្មកាន់តែមានភាពល្អប្រសើរ និងមានប្រសិទ្ធភាពខ្ពស់! រាជធានីភ្នំពេញ ថ្ងៃទី២៣ ខែមិថុនា ឆ្នាំ២០២៦ —គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី បានសហការជាមួយក្រុមហ៊ុន ១២១ សបភី ឯ.ក បានរៀបចំវគ្គបណ្តុះបណ្តាលឯកទេសស្ដីពី «ការពង្រឹងសមត្ថភាពលើការប្រមូលឥណទាន» សម្រាប់បុគ្គលិកជួរមុខដែលមានដូចជា ប្រធាន អនុប្រធានភ្នាក់ងារឥណទាន និងភ្នាក់ងារឥណទាន ក្នុងគោលបំណងពង្រឹងសមត្ថភាពប្រតិបត្តិការប្រមូលឥណទានប្រចាំថ្ងៃ លើកកម្ពស់ការគ្រប់គ្រងលទ្ធផលការងារ ព្រមទាំងបណ្ដុះវប្បធម៌ការងារវិជ្ជាជីវៈ ប្រកបដោយប្រសិទ្ធភាព និងការទទួលខុសត្រូវខ្ពស់។ សកម្មភាពសំខាន់ៗក្នុងវគ្គបណ្តុះបណ្តាល៖ គ្រឹះស្ថានមានកិត្តិយសដែលបានអញ្ជើញ លោកគ្រូ នឹម ឈុន្នី ជាគ្រូបណ្តុះបណ្តាល និងអ្នកអប់រំផ្លូវចិត្ត ដើម្បីចែករំលែកចំណេះដឹង និងបទពិសោធន៍ជាក់ស្តែងដ៏មានតម្លៃលើប្រធានបទ «ការទំនាក់ទំនង និងអាកប្បកិរិយាប្រកបដោយវិជ្ជាជីវៈ ចំពោះអតិថិជន»។ បន្ថែមពីនេះ ថ្នាក់ដឹកនាំ និងគ្រូឧទ្ទេសជាច្រើនរូបក៏បានចូលរួមចែករំលែកប្រធានបទសំខាន់ៗផ្សេងៗទៀតផងដែរ។ ក្នុងឱកាសនោះ លោកអគ្គនាយក កែវ សុខា ក៏បានផ្តាំផ្ញើដល់សិក្ខាកាមទាំងអស់ឱ្យរក្សាភាពធន់របស់គ្រឹះស្ថាន ពង្រឹងឆន្ទៈ និងស្មារតី អភិវឌ្ឍសមត្ថភាព ចំណេះដឹង និងជំនាញ ព្រមទាំងអនុវត្តគោលការណ៍ និងនីតិវិធីរបស់គ្រឹះស្ថានឱ្យបានខ្ជាប់ខ្ជួន ដើម្បីសម្រេចបាននូវសមិទ្ធផលការងារកាន់តែល្អប្រសើរ និងរួមគ្នាអភិវឌ្ឍទៅមុខ។ ជាកិច្ចបញ្ចប់ ថ្នាក់ដឹកនាំបានប្រគល់វិញ្ញាបនបត្របញ្ជាក់ការចូលរួមជូនដល់សិក្ខាកាមទាំងអស់ ក្នុងបរិយាកាសស្និទ្ធស្នាល និងពោរពេញដោយមោទកភាព។ គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី ផ្តោតអាទិភាពខ្ពស់លើការវិនិយោគធនធានមនុស្ស ជាពិសេសការពង្រឹងសមត្ថភាពបុគ្គលិកជួរមុខ។ យើងជឿជាក់ថា ក្រុមការងារដែលមានសមត្ថភាពខ្ពស់ គឺជាកម្លាំងចលករសំខាន់ក្នុងការជម្រុញប្រសិទ្ធភាពប្រតិបត្តិការ រក្សាគុណភាពសេវាកម្ម និងនាំមកនូវផលប្រយោជន៍ចីរភាពដល់អតិថិជន និងសហគមន៍។

ជធានីភ្នំពេញ ថ្ងៃទី១២ ខែមិថុនា ឆ្នាំ២០២៦ — ដើម្បីលើកកម្ពស់ប្រសិទ្ធភាពការងារប្រចាំថ្ងៃ និងធានាការអនុវត្តយុទ្ធសាស្ត្ររបស់គ្រឹះស្ថានបានកាន់តែល្អប្រសើរ គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី បានសហការជាមួយ ក្រុមហ៊ុន ១២១ សបភី ឯ.ក រៀបចំវគ្គបណ្តុះបណ្តាលក្រោមប្រធានបទ «ការពង្រឹងសមត្ថភាពភ្នាក់ងារប្រឹក្សាឥណទានលើជំនាញការលក់​»។ វគ្គបណ្តុះបណ្តាលនេះត្រូវបានរៀបចំឡើងជាពិសេសសម្រាប់បុគ្គលិកជួរមុខដែលជាភ្នាក់ងារប្រឹក្សាឥណទាន ដើម្បីពង្រឹងសមត្ថភាពក្នុងការបំពេញការងារលើការលក់​ប្រចាំថ្ងៃ គ្រប់គ្រងលទ្ធផលការងារ និងជំរុញវប្បធម៌ការងារវិជ្ជាជីវៈ ប្រកបដោយប្រសិទ្ធភាព និងការទទួលខុសត្រូវខ្ពស់។ សកម្មភាពសំខាន់ៗក្នុងវគ្គបណ្តុះបណ្តាល ជាកិច្ចចាប់ផ្តើម លោក កែវ សុខា អគ្គនាយក បានអញ្ជើញបើកវគ្គជាផ្លូវការ ដោយផ្តល់ការលើកទឹកចិត្ត និងមតិសំខាន់ៗអំពីតួនាទីរបស់ភ្នាក់ងារប្រឹក្សាឥណទានក្នុងការជំរុញកំណើនរបស់គ្រឹះស្ថាន។ គ្រឹះស្ថានមានកិត្តិយសដែលបានអញ្ជើញ លោកគ្រូ នឹម ឈុន្នី ជាគ្រូបណ្តុះបណ្តាល​ និង​អ្នក​អប់រំ​ផ្លូវចិត្ត​ បានចែករំលែកចំណេះដឹង និងបទពិសោធន៍ជាក់ស្តែងដ៏មានតម្លៃលើប្រធានបទ «ការទំនាក់ទំនង និងអាកប្បកិរិយាប្រកបដោយវិជ្ជាជីវៈ ចំពោះអតិថិជន»។ បន្ថែមពីនេះ ថ្នាក់ដឹកនាំ និងគ្រូឧទ្ទេសជាច្រើនរូបក៏បានចូលរួមចែករំលែកប្រធានបទសំខាន់ៗផ្សេងៗទៀតផងដែរ។ ក្នុងឱកាសនោះ លោកអគ្គនាយក កែវ សុខា ក៏បានផ្តាំផ្ញើដល់សិក្ខាកាមទាំងអស់ឱ្យរក្សាភាពធន់របស់គ្រឹះស្ថាន ពង្រឹងឆន្ទៈ និងស្មារតី អភិវឌ្ឍសមត្ថភាព ចំណេះដឹង និងជំនាញ ព្រមទាំងអនុវត្តគោលការណ៍ និងនីតិវិធីរបស់គ្រឹះស្ថានឱ្យបានខ្ជាប់ខ្ជួន ដើម្បីសម្រេចបាននូវសមិទ្ធផលការងារកាន់តែល្អប្រសើរ និងរួមគ្នាអភិវឌ្ឍទៅមុខ។ ជាកិច្ចបញ្ចប់ ថ្នាក់ដឹកនាំបានប្រគល់វិញ្ញាបនបត្របញ្ជាក់ការចូលរួមជូនដល់សិក្ខាកាមទាំងអស់ ក្នុងបរិយាកាសស្និទ្ធស្នាល និងពោរពេញដោយមោទនភាព។ គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី ផ្តោតអាទិភាពខ្ពស់លើការវិនិយោគធនធានមនុស្ស ជាពិសេសការពង្រឹងសមត្ថភាពបុគ្គលិកជួរមុខ។ យើងជឿជាក់ថា ក្រុមការងារដែលមានសមត្ថភាពខ្ពស់ គឺជាកម្លាំងចលករសំខាន់ក្នុងការជំរុញប្រសិទ្ធភាពប្រតិបត្តិការ រក្សាគុណភាពសេវាកម្ម និងនាំមកនូវផលប្រយោជន៍ចីរភាពដល់អតិថិជន និងសហគមន៍។

ភ្នំពេញ៖ នាព្រឹកថ្ងៃទី០៧ ខែមិថុនា ឆ្នាំ ២០២៦ ក្រោមគំនិតផ្ដួចផ្ដើមរបស់ លោកអគ្គនាយក កែវ សុខា គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី មានសេចក្តីសោមនុស្សរីករាយយ៉ាងក្រៃលែង ដោយបានចូលរួមឧបត្ថម្ភនិងប្រគេននូវទយ្យទាន ចង្ហាន់ ដល់វត្តព្រៃឆ្លាក់ ដែលត្រូវបានជ្រើសរើសជាមណ្ឌលប្រឡងដោយសាលាអនុគណក្រុងស្វាយរៀង សម្រាប់ការប្រឡងវិញ្ញាបនបត្រធម្មវិន័យ ឆ្នាំសិក្សា ២០២៥ - ២០២៦ ដែលមានទីតាំងស្ថិតនៅភូមិព្រៃឆ្លាក់ សង្កាត់ព្រៃឆ្លាក់ ក្រុងស្វាយរៀង ខេត្តស្វាយរៀង។ គណៈគ្រប់គ្រង និងក្រុមការងារនៃគ្រឹះស្ថានបាននាំយកជាថវិកាចំនួន ៦ ០០០ ០០០ រៀល និងទឹកសុទ្ធចំនួន ៣០កេស ប្រគេនជូនព្រះចៅអធិការវត្តព្រៃឆ្លាក់ ក្នុងគោលបំណងជួយសម្រាលបន្ទុកហិរញ្ញវត្ថុដល់ការរៀបចំចង្ហាន់ប្រគេនបេក្ខសមណសិស្ស គណៈមេប្រយោគ ព្រះឧទ្ទេសាចារ្យ គ្រូបង្រៀន និងព្រះអនុរក្ស ប្រមាណជា ៤០០អង្គ/នាក់ ដែលនិមន្តមកពីបណ្តា ក្រុង/ស្រុក ឆ្ងាយៗ ក្នុងពេលប្រឡង និងរក្សាបាននូវគុណភាពអប់រំតាមបែបព្រះពុទ្ធសាសនាដែលមានតាំងពីបុរាណកាលមក។ គំនិតផ្តួចផ្តើមនេះឆ្លុះបញ្ចាំងពីការប្តេជ្ញាចិត្តរបស់គ្រឹះស្ថានក្នុងការគាំទ្រព្រះពុទ្ធសាសនា សាសនារបស់រដ្ឋនិងការថែរក្សាប្រពៃណីវប្បធម៌ ។

រាជធានីភ្នំពេញ៖ នាថ្ងៃទី០៥ ខែមិថុនា ឆ្នាំ២០២៦ គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី (Bamboo Finance PLC.) បានរៀបចំកិច្ចប្រជុំថ្នាក់គ្រប់គ្រងប្រចាំខែមិថុនា ឆ្នាំ២០២៦។ កិច្ចប្រជុំនេះប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ លោកអគ្គនាយ កែវ សុខា និង លោកអគ្គនាយករង អឿន ស៊ីឡែន ដោយមានការចូលរួមពីថ្នាក់គ្រប់គ្រងគ្រប់នាយកដ្ឋាន ការិយាល័យ និងសាខា។ ក្នុងកិច្ចប្រជុំ អ្នកចូលរួមបានបង្ហាញរបាយការណ៍សមិទ្ធផលការងារលម្អិត ចែករំលែកចំណុចសំខាន់ៗនៃប្រតិបត្តិការ និងធ្វើការពិភាក្សាស្ថាបនា ដើម្បីកំណត់បញ្ហាប្រឈម និងរួមគ្នាបង្កើតដំណោះស្រាយប្រកបដោយប្រសិទ្ធភាព និងធានាឱ្យសម្រេចបានជោគជ័យក្នុងការអនុវត្តផែនការអាជីវកម្មសម្រាប់ឆ្នាំ២០២៦។ ទន្ទឹមនឹងនេះ គ្រឹះស្ថានមានកិត្តិយសទទួលបានការចូលរួម និងចែករំលែកចំណេះដឹងពី លោកគ្រូ នឹម ឈុន្នី លើប្រធានបទ "ការគ្រប់គ្រងប្រកបដោយវិជ្ជាជីវៈ" ដេីម្បីរួមចំណែលេីកកម្ពស់ក្រមសីធម៌​ និងប្រសិទ្ធភាពការងារ។

ភ្នំពេញ៖ នាថ្ងៃទី១៩ ២០ ខែឧសភា ឆ្នាំ២០២៦ គ្រឹះស្ថានបានរៀបចំ វគ្គហ្វឹកហ្វឺនតម្រង់ទិសការងារសម្រាប់និយោជិតថ្មី នៅការិយាល័យកណ្តាលរបស់គ្រឹះស្ថាន។ ក្នុងវគ្គហ្វឹកហ្វឺនរយៈពេល ២ថ្ងៃ ខាងលើនេះគឺផ្តល់ឲ្យសិក្ខាកាមយល់កាន់តែច្បាស់ពីចក្ខុ‌វិស័យ និងបេសកម្មរបស់គ្រឹះស្ថាន ក៏ដូចជាគោលការណ៍ផ្សេងៗ រួមមាន បទបញ្ជាផ្ទៃក្នុង ឯកសណ្ឋាន និងអនាម័យ គោលការណ៍ស្តីពីការយកចិត្តទុកដាក់ស្គាល់អតិថិជន ការបំពេញទម្រង់វាយតម្លៃ ការគ្រប់គ្រងអវត្តមាន អត្ថប្រយោជន៍បន្ថែមរបស់បុគ្គលិក ការបណ្តុះបណ្តាលជំនាញបន្ថែម ការអភិវឌ្ឍន៍មុខតំណែង ឬតួនាទីការងារ ដែលធ្វើឲ្យបុគ្គលិកបានយល់ច្បាស់ពីតួនាទីរបស់ខ្លួននៅក្នុងគ្រឹះស្ថាន ដើម្បីរួមគ្នា នឹងឆ្ពោះទៅមុខជាមួយគ្នាប្រកបដោយចីរភាព។ ប៊ែមប៊ូ ហ្វាយនែន ភីអិលស៊ី តែងតែគិតគូរដល់បុគ្គលិក និងព្យាយាមធ្វើយ៉ាងណាជួយពង្រីកសមត្ថភាពលើជំនាញផ្សេងៗដែលអាចជួយពន្លឿនដល់សកម្មភាពការងារ របស់បុគ្គលិកឲ្យក្លាយជាបុគ្គលិកឆ្នើមសម្រាប់ក្រុមហ៊ុន ក្នុងរយៈពេលដ៏ខ្លីមួយ។

រាជធានីភ្នំពេញ៖ នាថ្ងៃទី០៨ ខែឧសភា ឆ្នាំ២០២៦ គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី (Bamboo Finance PLC.) បានរៀបចំកិច្ចប្រជុំថ្នាក់គ្រប់គ្រងប្រចាំខែឧសភា ឆ្នាំ២០២៦ ។ កិច្ចប្រជុំនេះប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ លោកអគ្គនាយករង អឿន ស៊ីឡែន ដោយមានការចូលរួមពីថ្នាក់គ្រប់គ្រងគ្រប់នាយកដ្ឋាន ការិយាល័យ និងសាខា ។ ក្នុងកិច្ចប្រជុំ អ្នកចូលរួមបានបង្ហាញរបាយការណ៍សមិទ្ធផលការងារលម្អិត ចែករំលែកចំណុចសំខាន់ៗនៃប្រតិបត្តិការ និងធ្វើការពិភាក្សាស្ថាបនា ដើម្បីកំណត់បញ្ហាប្រឈម និងរួមគ្នាបង្កើតដំណោះស្រាយប្រកបដោយប្រសិទ្ធភាព និងធានាឱ្យសម្រេចបានជោគជ័យក្នុងការអនុវត្តផែនការអាជីវកម្មសម្រាប់ឆ្នាំ២០២៦។

ភ្នំពេញ៖ នៅព្រឹកថ្ងៃទី២៤ ខែមេសា ឆ្នាំ២០២៦ គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី បានរៀបចំកិច្ចប្រជុំក្រុមប្រឹក្សាភិបាលប្រចាំត្រីមាសទី១ ឆ្នាំ២០២៦ ដោយមានគោលបំណងបូកសរុប និងវាយតម្លៃលទ្ធផលការងារប្រចាំត្រីមាសកន្លងមក ព្រមទាំងពិនិត្យឡើងវិញលើប្រសិទ្ធភាពនៃការអនុវត្តយុទ្ធសាស្ត្រនានា និងដាក់ចេញទិសដៅអភិវឌ្ឍន៍សម្រាប់ត្រីមាសបន្ទាប់។ កិច្ចប្រជុំនេះបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ លោក រ័ត្ន យូម៉េង ប្រធានក្រុមប្រឹក្សាភិបាល ដោយមានការចូលរួមយ៉ាងសកម្មពីសំណាក់សមាជិក និងសមាជិកាក្រុមប្រឹក្សាភិបាល អភិបាលប្រតិបត្តិ ព្រមទាំងគណៈកម្មការប្រតិបត្តិរបស់គ្រឹះស្ថាន ដែលបានរួមចំណែកផ្តល់មតិយោបល់ និងយោបល់យុទ្ធសាស្ត្រយ៉ាងសម្បូរបែប។ ក្នុងអង្គប្រជុំ អ្នកចូលរួមបានពិភាក្សាយ៉ាងស៊ីជម្រៅលើសមិទ្ធផលសំខាន់ៗ ដែលសម្រេចបានក្នុងត្រីមាសទី១ រួមទាំងការវិភាគលើសូចនាករប្រតិបត្តិការ ស្ថានភាពទីផ្សារ និងហានិភ័យពាក់ព័ន្ធ។ ជាមួយគ្នានេះ ក៏បានលើកឡើងពីបញ្ហាប្រឈមដែលបានជួបប្រទះក្នុងអំឡុងពេលអនុវត្តការងារ និងបានពិភាក្សារកដំណោះស្រាយសមស្រប ដើម្បីបន្តធានាបាននូវស្ថិរភាព និងកំណើនប្រកបដោយចីរភាព។ លើសពីនេះ ក្រុមប្រឹក្សាភិបាលបានផ្តល់អនុសាសន៍យុទ្ធសាស្ត្រសំខាន់ៗដល់ថ្នាក់គ្រប់គ្រង ដោយផ្តោតលើការកែលម្អប្រសិទ្ធភាពប្រតិបត្តិការ ការគ្រប់គ្រងហានិភ័យយ៉ាងតឹងរឹង ការបង្កើនគុណភាពសេវាកម្ម និងការលើកកម្ពស់បទពិសោធន៍អតិថិជន។ ទិសដៅទាំងនេះមានគោលបំណងធានាឲ្យគ្រឹះស្ថានអាចផ្តល់សេវាហិរញ្ញវត្ថុប្រកបដោយសុវត្ថិភាព ប្រសិទ្ធភាព និងមានស្មារតីទទួលខុសត្រូវខ្ពស់ ស្របតាមស្តង់ដារវិស័យ និងតម្រូវការរបស់អតិថិជន។

សេចក្តីប្រកាសព័ត៌មាន៖ កិច្ចប្រជុំគណៈគ្រប់គ្រងប្រចាំខែមេសា ឆ្នាំ២០២៦ របស់ គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី រាជធានីភ្នំពេញ៖ នាថ្ងៃទី០៣ ខែមេសា ឆ្នាំ២០២៦ គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី (Bamboo Finance PLC.) បានរៀបចំកិច្ចប្រជុំគណៈគ្រប់គ្រងប្រចាំខែ ដើម្បីបូកសរុបលទ្ធផលការងារ និងកំណត់ទិសដៅយុទ្ធសាស្ត្រសម្រាប់ត្រីមាសបន្ទាប់។ កិច្ចប្រជុំនេះបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ លោក ឧកញ៉ា លឹម សុជាតិ តំណាងភាគទុនិក និងជាអភិបាលប្រតិបត្តិ និងលោក កែវ សុខា អគ្គនាយកនៃគ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី ដោយមានការអញ្ជើញចូលរួមពីសំណាក់តំណាងក្រុមហ៊ុនដៃគូយុទ្ធសាស្ត្រ ព្រមទាំងថ្នាក់ដឹកនាំនាយកដ្ឋាន ការិយាល័យ និងមន្ត្រីបង្គោលតាមបណ្តាសាខាទាំងអស់។ ក្នុងរបៀបវារៈនៃកិច្ចប្រជុំ គណៈគ្រប់គ្រងបានធ្វើការវាយតម្លៃយ៉ាងលម្អិតលើរបាយការណ៍សមិទ្ធផលការងារប្រចាំខែ ដោយផ្តោតសំខាន់លើចំណុចគន្លឹះៗរួមមាន៖ • ការពិភាក្សាស៊ីជម្រៅតាមភូមិភាគ៖ ការបែងចែកក្រុមពិភាក្សាដើម្បីវិភាគលើបញ្ហាប្រឈមជាក់ស្តែង និងការស្វែងរកដំណោះស្រាយប្រកបដោយនវានុវត្តន៍។ • ការពង្រឹងអភិបាលកិច្ចហានិភ័យ៖ ការរៀបចំយុទ្ធសាស្ត្រថ្មីៗដើម្បីពង្រឹងការគ្រប់គ្រងហានិភ័យឥណទានឱ្យកាន់តែមានប្រសិទ្ធភាព។ • ការជំរុញកំណើនអាជីវកម្ម៖ ការកំណត់សកម្មភាពអាទិភាពដើម្បីពង្រីកវិសាលភាពឥណទាន និងលើកកម្ពស់គុណភាពសេវាកម្មអតិថិជន។ កិច្ចប្រជុំបានបញ្ចប់ដោយការឯកភាពខ្ពស់លើផែនការសកម្មភាពអាទិភាព ដែលសំដៅពង្រឹងភាពធន់នៃប្រតិបត្តិការហិរញ្ញវត្ថុ និងការត្រៀមលក្ខណៈឆ្លើយតបទៅនឹងការប្រែប្រួលនៃទីផ្សារ។ ជារួម កិច្ចប្រជុំនេះគឺជាសក្ខីភាពដែលបង្ហាញពីការប្តេជ្ញាចិត្តយ៉ាងមុតមាំរបស់ គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី ក្នុងការអនុវត្តអភិបាលកិច្ចល្អ និងការផ្តល់ដំណោះស្រាយហិរញ្ញវត្ថុប្រកបដោយនិរន្តរភាព។ យើងនឹងបន្តខិតខំប្រឹងប្រែងដើម្បីផ្តល់ផលប្រយោជន៍ជាអតិបរមាជូនដល់អតិថិជន ដៃគូសហការ និងរួមចំណែកយ៉ាងសកម្មក្នុងការជម្រុញកំណើនសេដ្ឋកិច្ចជាតិនៅកម្ពុជា។