ភ្នំពេញ៖ នាថ្ងៃទី២៤ និង ២៥ ខែវិច្ចកា ឆ្នាំ២០២៥ គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី បានរៀបចំ វគ្គហ្វឹកហ្វឺនតម្រង់ទិសការងារសម្រាប់និយោជិតថ្មី នៅការិយាល័យកណ្តាលរបស់គ្រឹះស្ថាន។ ក្នុងវគ្គហ្វឹកហ្វឺនរយៈពេល ២ថ្ងៃ ខាងលើនេះគឺផ្តល់ឲ្យសិក្ខាកាមយល់កាន់តែច្បាស់ពីចក្ខុ‌វិស័យ និងបេសកម្មរបស់គ្រឹះស្ថាន ក៏ដូចជាគោលការណ៍ផ្សេងៗ រួមមាន បទបញ្ជាផ្ទៃក្នុង ឯកសណ្ឋាន និងអនាម័យ គោលការណ៍ស្តីពីការយកចិត្តទុកដាក់ស្គាល់អតិថិជន ការបំពេញទម្រង់វាយតម្លៃ ការគ្រប់គ្រងអវត្តមាន អត្ថប្រយោជន៍បន្ថែមរបស់បុគ្គលិក ការបណ្តុះបណ្តាលជំនាញបន្ថែម ការអភិវឌ្ឍន៍មុខតំណែង ឬតួនាទីការងារ ដែលធ្វើឲ្យបុគ្គលិកបានយល់ច្បាស់ពីតួនាទីរបស់ខ្លួននៅក្នុងគ្រឹះស្ថាន ដើម្បីរួមគ្នា នឹងឆ្ពោះទៅមុខជាមួយគ្នាប្រកបដោយចីរភាព។ ប៊ែមប៊ូ ហ្វាយនែន ភីអិលស៊ី តែងតែគិតគូរដល់បុគ្គលិក និងព្យាយាមធ្វើយ៉ាងណាជួយពង្រីកសមត្ថភាពលើជំនាញផ្សេងៗដែលអាចជួយពន្លឿនដល់សកម្មភាពការងារ របស់បុគ្គលិកឲ្យក្លាយជាបុគ្គលិកឆ្នើមសម្រាប់ក្រុមហ៊ុន ក្នុងរយៈពេលដ៏ខ្លីមួយ។

ភ្នំពេញ – គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី បានរៀបចំកិច្ចប្រជុំគ្រប់គ្រងប្រចាំខែវិច្ឆិកា ឆ្នាំ២០២៥ ដោយជោគជ័យ ក្រោមអធិបតីភាពរបស់លោកអគ្គនាយករង អឿន ស៊ីឡែន ។ កិច្ចប្រជុំនេះមានការចូលរួមពីថ្នាក់ដឹកនាំ និងអ្នកគ្រប់គ្រងពីនាយកដ្ឋាន ការិយាល័យ សាខា និងតំបន់ផ្សេងៗទាំងអស់។ ក្រុមការងារបានពិនិត្យវឌ្ឍនភាពការងារ និងបញ្ហាប្រតិបត្តិការ ដោយផ្តោតលើការរួមគ្នាស្វែងរកដំណោះស្រាយ ដើម្បីធានាថាផែនការអាជីវកម្មឆ្នាំ២០២៥ នឹងត្រូវបានអនុវត្តដោយជោគជ័យ។ ពិសេសក្នុងកិច្ចប្រជុំនេះ គ្រឹះស្ថានក៏មានភាពរីករាយទទួលស្វាគមន៍ លោកគ្រូ នឹម ឈុន្នី ដែលបានមកចែករំលែកចំណេះដឹងមានតម្លៃស្តីពី "វិទ្យាសាស្ត្រ និងសុខុមាលភាពផ្លូវចិត្ត" ដែលជាដំបូន្មានល្អ សម្រាប់ការអភិវឌ្ឍខ្លួន និងការងាររបស់បុគ្គលិក។

នាព្រឹកថ្ងៃទី១ និងទី២ ខែវិច្ឆិកា ឆ្នាំ២០២៥ គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី បានចូលរួមជាដៃគូសំខាន់ក្នុង ពិព័រណ៍ការងារ និងផលិតភាពជាតិ នៅអគារពិព័រណ៍កោះពេជ្រ រាជធានីភ្នំពេញ ព្រឹត្តិការណ៍នេះបានរៀបចំដោយ ក្រសួងការងារ និងបណ្តុះបណ្តាលវិជ្ជាជីវៈ។ ​ ការចូលរួមរបស់ ប៊ែមប៊ូ ហ្វាយនែន បានបង្ហាញការប្តេជ្ញាចិត្តចំពោះការអភិវឌ្ឍទីផ្សារការងារ ការស្វែងរកទេពកោសល្យ និងភាពជាដៃគូសាធារណៈឯកជន ។ របាយការណ៍នេះរៀបរាប់លទ្ធផល ការរួមចំណែកយុទ្ធសាស្ត្រ និងអនុសាសន៍ឆ្ពោះទៅមុខ។​

ភ្នំពេញ៖ នាថ្ងៃទី២៣ ២៤ ខែតុលា ឆ្នាំ២០២៥ គ្រឹះស្ថានបានរៀបចំ វគ្គហ្វឹកហ្វឺនតម្រង់ទិសការងារសម្រាប់និយោជិតថ្មី នៅការិយាល័យកណ្តាលរបស់គ្រឹះស្ថាន ។ ក្នុងវគ្គហ្វឹកហ្វឺនរយៈពេល ២ថ្ងៃ ខាងលើនេះ គឺផ្តល់ឲ្យសិក្ខាកាមយល់កាន់តែច្បាស់ពីចក្ខុ‌វិស័យ និងបេសកម្មរបស់គ្រឹះស្ថាន ក៏ដូចជាគោលការណ៍ផ្សេងៗ រួមមាន បទបញ្ជាផ្ទៃក្នុង ឯកសណ្ឋាន និងអនាម័យ គោលការណ៍ស្តីពីការយកចិត្តទុកដាក់ស្គាល់អតិថិជន ការបំពេញទម្រង់វាយតម្លៃ ការគ្រប់គ្រងអវត្តមាន អត្ថប្រយោជន៍បន្ថែមរបស់បុគ្គលិក ការបណ្តុះបណ្តាលជំនាញបន្ថែម ការអភិវឌ្ឍន៍មុខតំណែង ឬតួនាទីការងារ ដែលធ្វើឲ្យបុគ្គលិកបានយល់ច្បាស់ពីតួនាទីរបស់ខ្លួននៅក្នុងគ្រឹះស្ថាន ដើម្បីរួមគ្នា នឹងឆ្ពោះទៅមុខជាមួយគ្នាប្រកបដោយចីរភាព។ ប៊ែមប៊ូ ហ្វាយនែន ភីអិលស៊ី តែងតែគិតគូរដល់បុគ្គលិក និងព្យាយាមធ្វើយ៉ាងណាជួយពង្រីកសមត្ថភាពលើជំនាញផ្សេងៗដែលអាចជួយពន្លឿនដល់សកម្មភាពការងារ របស់បុគ្គលិកឲ្យក្លាយជាបុគ្គលិកឆ្នើមសម្រាប់ក្រុមហ៊ុន ក្នុងរយៈពេលដ៏ខ្លីមួយ។

ភ្នំពេញ៖ នាព្រឹកថ្ងៃទី២២ ខែតុលា ឆ្នាំ២០២៥ គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី បានរៀបចំកិច្ចប្រជុំក្រុមប្រឹក្សាភិបាលប្រចាំត្រីមាសទី៣ និងលើកទិសដៅការងារត្រីមាសបន្ទាប់ ដោយមានការអញ្ជើញជាអធិបតីភាពដ៏ខ្ពង់ខ្ពស់របស់ លោក រ័ត្ន យូម៉េង ប្រធានក្រុមប្រឹក្សាភិបាល សមាជិក-សមាជិកា ក្រុមប្រឹក្សាភិបាល និងថ្នាក់គ្រប់គ្រងនៃគ្រឹះស្ថាន។ កិច្ចប្រជុំនេះធ្វើឡើងក្នុងគោលបំណងបង្ហាញអំពីទិសដៅ បេសកម្ម និងលទ្ធផល ក៏ដូចជាបញ្ហាប្រឈម និងដំណោះស្រាយដែលបានអនុវត្តន៍ក្នុងរយៈពេល ៣ត្រីមាសកន្លងមក ដើម្បីដាក់ចេញផែនការសកម្មភាពនានាដល់ថ្នាក់គ្រប់គ្រង ដើម្បីអនុវត្តការងារបន្តសម្រាប់ជំរុញលទ្ធផលប្រតិបត្តិការរបស់គ្រឹះស្ថានឲ្យសម្រេចបានលទ្ធផលល្អសម្រាប់ត្រីមាសបន្ទាប់ ។ លើសពីនេះ ក្រុមប្រឹក្សាភិបាលបានបង្ហាញនូវការពេញចិត្តជាមួយលទ្ធផលដែលសម្រេចបាន រួមទាំងបានផ្តល់នូវទិសដៅយុទ្ធសាស្រ្តថ្មីបន្ថែម ដើម្បីជំរុញប្រតិបត្តិការរបស់គ្រឹះស្ថានឱ្យកាន់តែល្អប្រសើរនៅត្រីមាសបន្ទាប់ ក្នុងគោលបំណងចូលរួមចំណែកក្នុងការផ្តល់សេវាកម្មជូនអតិថិជនទាំងអស់របស់យើងប្រកបដោយស្មារតីទទួលខុសត្រូវ និងគុណភាពខ្ពស់។

ភ្នំពេញ៖ កិច្ចប្រជុំថ្នាក់គ្រប់គ្រងប្រចាំខែតុលា ឆ្នាំ២០២៥ របស់គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី  ក្រោមអធិបតីភាព​ លោក អគ្គនាយក កែវ សុខា និងលោក អគ្គនាយករង អឿន ស៊ីឡែន ដោយមានការចូលរួមរបស់ថ្នាក់គ្រប់គ្រងគ្រប់នាយកដ្ឋាន ការិយាល័យ សាខា និងតំបន់ បង្ហាញពីលទ្ធិផលការងារ និងកិច្ចការប្រតិបត្តិការ ក៏ដូចជាធ្វើការពិភាក្សាពីបញ្ហា ដោយស្វែងរកដំណោះស្រាយ ដើម្បីជោគជ័យក្នុងកាអនុវត្តផែនការអាជីវកម្មឆ្នាំ ២០២៥ ។

រាជធានីភ្នំពេញ​ ថ្ងៃទី០៦ ខែតុលា ឆ្នាំ២០២៥៖ វគ្គបណ្ដុះបណ្ដាល "យុទ្ធសាស្រ្តក្លាយជាបុគ្គលិកឆ្នើម" ដល់បុគ្គលិក ភ្នាក់ងារប្រឹក្សាឥណទាន របស់គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី។ ក្រោមការដឹងនាំបង្រៀនដោយលោកគ្រូ ធម្មទានាចារ្យ ចាន់ សេរី និងថ្នាក់ដឹកនាំរបស់គ្រឹះស្ថាន ដែលបានផ្តល់ជូនក្នុងវគ្គបណ្ដុះបណ្ដាលនេះជាមួយប្រធានបទរួមមាន៖ យុទ្ធសាស្រ្តក្លាយជាបុគ្គលិកឆ្នើម ជំនាញប្រឹក្សាការលក់ដោយវិជ្ជាជីវៈ និងប្រធានបទល្អៗជាច្រើនបន្ថែមទៀត ដែលនឹងជួយពន្លឿនដល់សកម្មភាពការងារ របស់បុគ្គលិកឲ្យក្លាយជាបុគ្គលិកឆ្នើមសម្រាប់គ្រឹះស្ថាន ក្នុងរយៈពេលដ៏ខ្លីមួយ។ ចុងបញ្ចប់នៃវគ្គបណ្តុះបណ្តាលក៏មានការប្រគល់វិញ្ញាបនបត្របញ្ជាក់ ការបណ្តុះបណ្តាលពីថ្នាក់ដឹកនាំ និងគ្រូហ្វឹកហ្វឺនទៅដល់សិក្ខាកាម ប្រកបទៅដោយភាពរីករាយស្និទ្ធស្នាល រួមជាមួយការថតរូបទុកជាអនុស្សាវរីយ៍។

នៅព្រឹកថ្ងៃទី ១៤ ខែកញ្ញា ឆ្នាំ២០២៥ ត្រូវនឹងថ្ងៃកាន់បិណ្ឌវេនទី៧ នៃពិធីបុណ្យកាន់បិណ្ឌ និងភ្ជុំបិណ្ឌ ថ្នាក់ដឹកនាំ និងបុគ្គលិកទាំងអស់របស់                      គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន បានចូលរួមពិធីកាន់បិណ្ឌវេនទី៧ នៅវត្តសម្ផស្សគីរីវណ្ណារាម ហៅ វត្តតាភើ ដែលមានទីតាំងស្ថិតនៅភូមិត្រពាំងជ្រៃ ឃុំត្រពាំងធំខាងត្បូង ស្រុកត្រាំកក់ ខេត្តតាកែវ។ នៅក្នុងពិធីបុណ្យនោះ ថ្នាក់ដឹកនាំ និងបុគ្គលិកទាំងអស់ រួមទាំង លោកតាអាចារ្យ យាយជី តាជី បានធ្វើបទនមស្សការសមាទានសីល និងវេរភត្តាហារព្រមទាំងទេយ្យទាន និងប្រគេនបច្ច័យដល់ព្រះសង្ឃ បង្សុកូលដើម្បីឧទ្ទិសកុសលដល់វិញ្ញាណក្ខន្ធដល់បុព្វការីជន ដែលបានចែកឋានទៅកាន់បរលោក ឲ្យទទួលបានមគ្គផលហើយឲ្យពរដល់កូនចៅជួបតែសេចក្តីសុខ។ ក្នុងឱកាសនេះ យើងខ្ញុំជាថ្នាក់ដឹកនាំ និងបុគ្គលិកទាំងអស់របស់ គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន សូមជូនពរដល់បងប្អូនទាំងអស់ ជួបប្រទះតែនឹងសេចក្តីសុខ និងសេចក្ដីចម្រើន ព្រមទាំងសមប្រកបនឹងពុទ្ធពរទាំងបួនប្រការ ។