Bamboo Finance Plc

សេវាកម្ម

ពិនិត្យមើលព័ត៌មានលម្អិតអំពីអាជីវកម្មរបស់យើង លក្ខណៈផលិតផល ការគណនាការប្រាក់ តម្រូវការ និងឯកសារដែលត្រូវការ

ឥណទានអាជីវកម្ម

ប្រាក់កម្ចីនេះមានគោលបំណងផ្តល់ដល់បុគ្គល ឬដៃគូអាជីវកម្មដែលមានអាជីវកម្មផ្ទាល់ខ្លួន និងមានកិច្ចព្រមព្រៀង Franchise ជាមួយក្រុមហ៊ុនមេរបស់ MFI ដើម្បីពង្រីកអាជីវកម្មរបស់ខ្លួនដោយប្រើប្រាក់កម្ចីទិញផលិតផលដើម្បីលក់ឱ្យអតិថិជនជាមួយនឹងប្រាក់កម្ចី។

ឥណទានរយៈពេលខ្លី

ប្រាក់កម្ចីនេះត្រូវបានរៀបចំឡើងដើម្បីផ្តល់លទ្ធភាពឱ្យអ្នកលក់រាយខ្នាតតូច និងបុគ្គលដែលមានប្រាក់ចំណូលទៀងទាត់ និងមានវត្ថុបញ្ចាំជាចម្បងជាចលនវត្ថុដើម្បីទិញវត្ថុចាំបាច់ ឬសម្ភារៈប្រើប្រាស់ និងការចំណាយផ្ទាល់ខ្លួនក្នុងរយៈពេលដ៏ខ្លី។

ឥណទានប្រើប្រាស់ផ្ទាល់ខ្លួន

ប្រាក់កម្ចីផ្ទាល់ខ្លួនត្រូវបានរៀបចំឡើងដើម្បីផ្តល់លទ្ធភាពឱ្យបុគ្គលដែលមានប្រាក់ចំណូលទៀងទាត់ និងត្រូវការប្រាក់កម្ចីសម្រាប់ការចំណាយផ្ទាល់ខ្លួន។

ឥណទានផលិតផល ១២១

ប្រាក់កម្ចីនេះត្រូវបានរៀបចំឡើងដើម្បីផ្តល់ដល់បុគ្គលដែលត្រូវការប្រាក់ដើម្បីទិញទំនិញអេឡិចត្រូនិកនៅតាមហាង 121 ដូចជា ម៉ូតូ ទូទឹកកក ម៉ាស៊ីនបោកគក់ ម៉ាស៊ីនត្រជាក់ កង្ហារ ទូរទស្សន៍…។ល។

ឥណទានបុគ្គលិក

ប្រាក់កម្ចីនេះមានសម្រាប់បុគ្គលិកគ្រប់លំដាប់ថ្នាក់ ដែលធ្វើការនៅ Bamboo Finance Plc ដែលមានសមត្ថភាពពេញលេញ និងត្រូវការសាច់ប្រាក់ ដើម្បីបង្កើនជីវភាពរស់នៅប្រចាំថ្ងៃរបស់ពួកគេ។

ឥណទានម៉ូតូ

ប្រាក់កម្ចីនេះត្រូវបានរៀបចំឡើង ដើម្បីផ្តល់លទ្ធភាពដល់បុគ្គលដូចជាអ្នកលក់រាយនៅតាមផ្សារ និងទីប្រជុំជន ឬបុគ្គលិកក្រុមហ៊ុន មន្ត្រីរាជការសាធារណៈ កម្មករកាត់ដេរ កម្មករសំណង់ អ្នករត់ម៉ូតូឌុប ដែលមានប្រាក់ចំណូលគ្រប់គ្រាន់ និងត្រូវការសាច់ប្រាក់ដើម្បីទិញម៉ូតូសម្រាប់ប្រើប្រាស់ក្នុងជីវភាពប្រចាំថ្ងៃ។

ព្រឹត្តិការណ៍ថ្មីៗ

ពិនិត្យមើលព្រឹត្តិការណ៍ចុងក្រោយបំផុតរបស់យើង យើងបានធ្វើបច្ចុប្បន្នភាពថ្មីៗជាមួយនឹងព្រឹត្តិការណ៍ថ្មីៗ ព័ត៌មាន និងសកម្មភាពរបស់យើងនៅទីនេះ

កិច្ចប្រជុំថ្នាក់គ្រប់គ្រងថ្ងៃទី១២ ខែកក្កដា ឆ្នាំ២០២៤

ភ្នំពេញ៖ កិច្ចប្រជុំថ្នាក់គ្រប់គ្រង នៅថ្ងៃទី១២ ខែកក្កដា ឆ្នាំ២០២៤ របស់គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី ក្រោមអធិបតីភាព លោកអគ្គនាយក កែវ សុខា និងអគ្គនាយករង អឿន ស៊ីឡែន ព្រមទាំងមានការចូលរួមរបស់ថ្នាក់គ្រប់គ្រងគ្រប់នាយកដ្ឋាន ការិយាល័យ និងសាខា ក្នុងគោលបំណងដើម្បីអភិវឌ្ឍន៍សមត្ថភាពជាអ្នកដឹកនាំ និងពិភាក្សា ការផ្លាស់ប្តូរបទពិសោធន៍ ព្រមទាំងការជំរុញឲ្យការងាររឹតតែមានប្រសិទ្ធភាពខ្ពស់បន្ថែមទៀត។ ឆ្លៀតក្នុងឱកាសនេះផងដែរ លោកអគ្គនាយក ក៏បានធ្វើការសំណេះសំណាលជាមួយថ្នាក់ដឹកនាំទាំងអស់ និងបានចែករំលែកនូវអនុសាសន៍សំខាន់ៗ សម្រាប់ជាមគ្គុទេសក៍ល្អៗ ដើម្បីជំរុញសកម្មភាពការងារឱ្យរីកចម្រើនទៅមុខជានិរន្តន៍។

អានបន្ថែម

វគ្គបណ្តុះបណ្តាលប្រចាំឆមាស ស្តីពីការបង្កើនប្រសិទ្ធភាពគ្រប់គ្រង

រាជធានីភ្នំពេញ ថ្ងៃទី០៨ ខែមិថុនា ឆ្នាំ២០២៤៖ វគ្គបណ្តុះបណ្តាលប្រចាំឆមាស ស្តីពីការបង្កើនប្រសិទ្ធភាពគ្រប់គ្រង ជូនដល់អ្នកគ្រប់គ្រងគ្រប់ជាន់ថ្នាក់ ប្រមាណ១៥៥នាក់ របស់គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី និងក្រុមហ៊ុនបុត្រសម្ព័ន្ធ។ ជាមួយគ្នានេះ យេីងទាំងអស់គ្នាមានកិត្តិយស បានទទួលនូវការចែករំលែកបទពិសោធន៍ជាក់ស្តែង ពីលោកគ្រូធម្មទានាចារ្យ ចាន់ សេរី នូវ"ជំនាញទំនាក់ទំនងដ៏មានប្រសិទ្ធភាព" និងមានការអញ្ជើញចូលរួមបើកវគ្គដោយ លោក កែវ សុខា អគ្គនាយក នៃគ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី។ ក្នុងវគ្គបណ្តុះបណ្តាលនេះ បានផ្តល់ជូននូវមេរៀនល្អៗជាច្រើនដល់អ្នកគ្រប់គ្រងទាំងអស់ដូចជា៖ វិធីសាស្រ្តដោះស្រាយទំនាស់ ជំនាញលក់ យល់ដឹងបន្ថែមពីអត្ថប្រយោជន៍ផ្សេងៗរបស់បុគ្គលិក និងការយល់ដឹងពីចំណេះដឹងហិរញ្ញវត្ថុនៅក្នុងបរិបទនៃវិបត្តិសេដ្ឋកិច្ចបច្ចុប្បន្ន។ ចុងបញ្ចប់នៃវគ្គបណ្តុះបណ្តាលក៏មានការប្រគល់វិញ្ញាបនបត្របញ្ជាក់ការបណ្តុះបណ្តាលពីថ្នាក់ដឹកនាំ និងគ្រូហ្វឹកហ្វឺនទៅដល់សិក្ខាកាម ប្រកបទៅដោយភាពរីករាយស្និទស្នាល រួមជាមួយការថតរូបទុកជាអនុស្សាវរីយ៍។

អានបន្ថែម

កិច្ចប្រជុំថ្នាក់គ្រប់គ្រងថ្ងៃទី០៧ ខែមិថុនា ឆ្នាំ២០២៤

ភ្នំពេញ៖ កិច្ចប្រជុំថ្នាក់គ្រប់គ្រង នៅថ្ងៃទី០៧ ខែមិថុនា ឆ្នាំ២០២៤ របស់គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី ក្រោអធិបតីភាព លោកអគ្គនាយក កែវ សុខា និងលោកអគ្គនាយករង អឿន ស៊ីឡែន ព្រមទាំងមានការចូលរួមរបស់ថ្នាក់គ្រប់គ្រងគ្រប់នាយកដ្ឋាន ការិយាល័យ និងសាខា ក្នុងគោលបំណងដេីម្បីអភិវឌ្ឍន៍សមត្ថភាពជាអ្នកដឹកនាំ និងពិភាក្សា ការផ្លាស់ប្តូរបទពិសោធន៍ ព្រមទាំងការជំរុញឲ្យការងាររឹតតែមានប្រសិទ្ធភាពខ្ពស់បន្ថែមទៀត។ ទន្ទឹមនឹងនោះក៏មានកិត្តិយសពី លោកគ្រូ នឹម ឈុន្នី ដែលបានចូលរួមចែករំលែកបន្ថែមនូវចំណេះដឹងផ្នែកទន់ អំពី "ការពង្រឹងសមត្ថភាពផ្នែកស្មារតី ក្នុងភាពជាអ្នកដឹកនាំ" ផងដែរ។

អានបន្ថែម

កិច្ចប្រជុំថ្នាក់គ្រប់គ្រងប្រចាំខែឧសភា ឆ្នាំ២០២៤

ភ្នំពេញ៖ កិច្ចប្រជុំថ្នាក់គ្រប់គ្រងប្រចាំខែឧសភា ឆ្នាំ២០២៤ របស់គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី ក្រោអធិបតីភាព លោកអគ្គនាយក កែវ សុខា និងលោកអគ្គនាយករង អឿន ស៊ីឡែន ព្រមទាំងមានការចូលរួមរបស់ថ្នាក់គ្រប់គ្រងគ្រប់នាយកដ្ឋាន ការិយាល័យ និងសាខា ក្នុងការអនុវត្តន៍ផែនការអាជីវកម្ម ឆ្នាំ២០២៤ ឱ្យបានជោគជ័យ។ ឆ្លៀតក្នុងឱកាសនេះផងដែរ លោកអគ្គនាយកក៏បានធ្វើការសំណេះសំណាលជាមួយថ្នាក់គ្រប់គ្រងទាំងអស់ អំពីសុខទុក្ខ ក៏ដូចជាបញ្ហាដែលបានជួបប្រទះ និងបានផ្តល់ជាអនុសាសន៍បន្ថែមក្នុងការដឹកនាំ និងគ្រប់គ្រង ដើម្បីជំរុញសកម្មភាពការងារឱ្យរីកចម្រើនទៅមុខជានិរន្តន៍។

អានបន្ថែម

ពិធីបុណ្យចូលឆ្នាំខ្មែរ ឆ្នាំ២០២៤

គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី បានរៀបចំកម្មវិធីសូត្រមន្តចម្រើនព្រះបរិត្ត ប្រោះព្រំលើករាសី និងដើម្បីសូមពរជ័យ សិរីសួស្តី ក្នុងឱកាសប្រារព្ធពិធីបុណ្យចូលឆ្នាំថ្មីប្រពៃណីជាតិខ្មែរ ២០២៤ ឆ្នាំរោងឆស័ក ព.ស ២៥៦៧ ដែលនឹងឈានមកដល់នាពេលខាងមុខនេះ សូមជូនពរថ្នាក់ដឹកនាំ គណៈគ្រប់គ្រង បុគ្គលិកគ្រឹះស្ថាន អតិថិជន និងប្រជាពលរដ្ឋខ្មែរទាំងអស់ ជួបប្រទះតែសេចក្តីសុខ សុភមង្គលគ្រប់ក្រុមគ្រួសារ។

អានបន្ថែម

ការហ្វឹកហ្វឺនបំពាក់បំប៉នជំនាញការងារដល់បុគ្គលិក

រាជធានីភ្នំពេញ៖ វគ្គបណ្ដុះបណ្ដាល ស្ដីពី ការហ្វឹកហ្វឺនបំពាក់បំប៉នជំនាញការងារដល់បុគ្គលិក ដោយមានការអញ្ជើញចូលរួមបើកវគ្គពីសំណាក់ លោក កែវ សុខា អគ្គនាយក នៃគ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី ប្រព្រឹត្តទៅនៅការិយាល័យកណ្ដាលរបស់គ្រឹះស្ថាន នាថ្ងៃទី១៧ ខែកុម្ភៈ ឆ្នាំ២០២៤។ នៅក្នុងវគ្គហ្វឹកហ្វឺនបំពាក់បំប៉នមួយនេះបានផ្តល់ជូននៅមេរៀនល្អជាច្រើនដូចជា៖ 1-ការជម្រុញទឹកចិត្តឲ្យស្គាល់ពីខ្លួនឯង ដើម្បីធ្វើការងារដោយរីករាយ 2-ការរៀបចំផែនការការងារប្រចាំថ្ងៃ 3-ការសិក្សាវាយតម្លៃឥណទាន 4-ការធ្វើបទបង្ហាញពី"ភ្នាក់ងារប្រឹក្សាឥណទានឆ្នើម" ផងដែរ។ ចុងបញ្ចប់នៃវគ្គបណ្តុះបណ្តាលក៏មានការប្រគល់វិញ្ញាបនបត្របញ្ជាក់ ការបណ្តុះបណ្តាលពីថ្នាក់ដឹកនាំ និងគ្រូហ្វឹកហ្វឺនទៅដល់សិក្ខាកាម ប្រកបទៅដោយភាពរីករាយស្និទ្ធស្នាល រួមជាមួយការថតរូបទុកជាអនុស្សាវរីយ៍

អានបន្ថែម

មើលបន្ថែម