ក. គុណវុឌ្ឍិ និងបទពិសោធន៍អប្បបរមា ៖

• ចំណេះដឹង : បរិញ្ញាបត្រ ឬសញ្ញាបត្រដែលមានតម្លៃស្មើ (ជំនាញ: គ្រប់គ្រង/ហិរញ្ញវត្ថុ/ធនាគារ/គណនេយ្យ...)

• បទពិសោធន៍  : រយៈពេលយ៉ាងតិច ០៣ឆ្នាំ ក្នុងតួនាទីគ្រប់គ្រងនៅធនាគារ ឬ ស្ថាប័នមីក្រូហិរញ្ញវត្ថុ

• សមត្ថភាព និងជំនាញផ្សេងៗ:

  • វិភាគស៊ីជម្រៅលើការងារជំនាញ និងដឹកនាំ ហើយមានឆន្ទះក្នុងការទទួលខុសត្រូវខ្ពស់ ព្រមទាំងមានសមត្ថភាពគ្រប់គ្រាន់ក្នុងការដោះស្រាយបញ្ហានានា ក្នុងមុខងារ និងតួនាទីដែលបានប្រគល់ជូន ។

  • ចេះភាសាអង់គ្លេសសម្រាប់ការទំនាក់ទំនងបានល្អ (អាន សរសេរ និងនិយាយ) ។

  • ចេះប្រើប្រាស់កុំព្យូទ័រ (Excel, Power Point, Word,...) និងអាចយល់ដឹងបានប្រសើរលើការងារបច្ចេកទេសប្រព័ន្ធស្នូលនៃប្រតិបត្តិការ និង IT ។

ខ. តួនាទី និងភារកិច្ច៖

• នាយក-នាយិការដ្ឋបាល មានតួនាទី និងភារកិច្ចលម្អិត ដូចខាងក្រោម៖

•     បង្កើតឲ្យមាននូវគោលការណ៍ នីតិវិធីជាមូលដ្ឋានសម្រាប់អនុវត្តក្នុងការិយាល័យរដ្ឋបាលឲ្យបានត្រឹមត្រូវ គ្រប់គ្រាន់ ទាន់ពេលវេលា និងប្រកបដោយប្រសិទ្ធភាព ។

•     ចាត់ចែង និងត្រួតពិនិត្យការគ្រប់គ្រងឧបករណ៍-សម្ភារ  ដោយរៀបចំបិទលេខកូដ និងតាមដានការប្រើប្រាស់ ការជួសជុល ការថែទាំ ឲ្យបានត្រឹមត្រូវ ព្រមទាំងសម្របសម្រួល និងផ្តល់ជំនួយបច្ចេកទេសលើការគ្រប់គ្រងឧបករណ៍-សម្ភារ ដល់គ្រប់ការិយាល័យរបស់គ្រឹះស្ថាន ប្រកបដោយប្រសិទ្ធភាព ។

•     ចាត់ចែង និងត្រួតពិនិត្យលើកិច្ចការបញ្ជូន-ទទួល និងការបែងចែកឧបករណ៍-សម្ភារ គ្រឿងបរិក្ខារផ្សេងៗ សម្រាប់ផ្គត់ផ្គង និងទ្រទ្រង់ដល់ប្រតិបត្តិការរបស់គ្រឹះស្ថានទាំងមូល ឲ្យមានដំណើរការរលូន និងទាន់ពេល ។

•     ចាត់ចែង និងគ្រប់គ្រងឧបករណ៍-សម្ភារដែលខូចលែងប្រើប្រាស់ ទុកដាក់ឲ្យមានសណ្តាប់ធ្នាប់ និងត្រួតពិនិត្យលើការដេញថ្លៃលក់ឧបករណ៍-សម្ភារដែលខូច ឬលែងមានតម្រូវការប្រើប្រាស់ទាំងនោះ ។

•     ចាត់ចែង ត្រួតពិនិត្យលើការរៀបចំការិយាល័យ ទីកន្លែងធ្វើការ បន្ទប់ប្រជុំ កន្លែងហ្វឹកហ្វឺន សិក្ខាសាលា កន្លែងទុកដាក់ឧបករណ៍-សម្ភារ និងកម្មវិធីផ្លូវការផ្សេងៗរបស់គ្រឹះស្ថាន ឲ្យបានស្អាត មានសោភ័ណ្ឌភាព ផាសុកភាព និងរបៀបរៀបរយល្អ ព្រមទាំងធ្វើការតាមដានកិច្ចការថែទាំជួសជុល និងកែលម្អឲ្យបានត្រឹមត្រូវ គ្រប់គ្រាន់ និងទាន់ពេលវេលា ។ 

•     ចាត់ចែងលើការរៀបចំទីកន្លែងធ្វើការជូនបុគ្គលិកចូលបម្រើការងារថ្មី សម្របសម្រួល និងផ្តល់ជំនួយបច្ចេកទេសលើការរៀបចំទីកន្លែងបំពេញការងារ សណ្តាប់ធ្នាប់ និងរបៀបរៀបរយ ដល់គ្រប់ការិយាល័យរបស់គ្រឹះស្ថាន ។

•     ចាត់ចែងត្រួតពិនិត្យលើការប្រើប្រាស់ និងណែនាំដល់អ្នកប្រើប្រាស់ទាំងអស់ ឲ្យចូលរួមក្នុងការសន្សំសំចៃលើការប្រើប្រាស់ដូចជា៖ ក្រដាស ថាមពលអគ្គិសនី ទឹក... ។

•     ចាត់ចែង ត្រួតពិនិត្យ រៀបចំ និងសម្របសម្រួលកិច្ចការពាក់ព័ន្ធនឹងកីឡារបស់គ្រឹះស្ថាន ។